قر ءبىلىم جانە عىلىم مينيسترلىگى 2021-2022 وقۋ جىلىنىڭ ۇزاقتىعى مەن وقۋ جىلى ىشىندەگى كانيكۋل كەزەڭدەرىن ايقىندادى، دەپ حابارلايدى «ادىرنا» ءتىلشىسى.
«مەنشىك نىسانىنا جانە ۆەدومستۆولىق باعىنىستىلىعىنا قاراماستان ورتا ءبىلىم بەرۋ ۇيىمدارىندا 2021 - 2022 وقۋ جىلىنىڭ باستالۋى، ۇزاقتىعى جانە كانيكۋلى كەزەڭدەرىنىڭ مىناداي مەرزىمدەرى ايقىندالسىن:
1) 2021 - 2022 وقۋ جىلىنىڭ باستالۋى - 2021 جىلعى 1 قىركۇيەك;
2) وقۋ جىلىنىڭ ۇزاقتىعى 1-سىنىپتاردا – 33 وقۋ اپتاسى، 2-11 (12)- سىنىپتاردا – 34 وقۋ اپتاسى»،–دەلىنگەن قۇجاتتا.
وقۋ جىلى ىشىندەگى كانيكۋل كەزەڭدەرى:
1-11 (12) – سىنىپتاردا: كۇزگى كانيكۋل – 7 كۇن (2021 جىلعى 1-7 قاراشا ارالىعىندا), قىسقى – 11 كۇن (2021 جىلعى 30 جەلتوقسان مەن 2022 جىلعى 9 قاڭتار ارالىعىندا), كوكتەمگى – 12 كۇن (2022 جىلعى 19-30 ناۋرىز ارالىعىندا);
1-سىنىپتاردا: قوسىمشا كانيكۋل – 7 كۇن (2022 جىلعى 7-13 اقپان ارالىعىندا).
«ادىرنا» ۇلتتىق پورتالى
