مەملەكەت باسشىسى قاسىم-جومارت توقاەۆ تۇركيادا بولعان الاپات ءورت سالدارىنان ەلدىڭ ەكونوميكاسى مەن تۋريستىك بازاسىنا وراسان زور شىعىن كەلگەنىنە جانە ازاماتتاردىڭ دەنساۋلىعىنا اۋىر زاردابىن تيگىزگەنىنە بايلانىستى تۇركيا پرەزيدەنتى رەجەپ تايپ ەردوعانعا نيەتتەستىك بىلدىرگەن جەدەلحاتىن جولدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook -تە جازدى.
«قازاقستان پرەزيدەنتى ءوز جەدەلحاتىندا باۋىرلاس تۇرىك حالقىنا گۋمانيتارلىق كومەك كورسەتۋگە دايىن ەكەنىن اتاپ ءوتىپ، پرەزيدەنت رەجەپ تايپ ەردوعانعا ەلدەگى تابيعات اپاتىنا قارسى كۇرەستە ساتتىلىك تىلەدى»،– دەدى ول.
«ادىرنا» ۇلتتىق پورتالى
