مەملەكەت باسشىسىنىڭ تاپسىرماسىنا سايكەس اقتوبە وبلىسىندا مۇمكىندىگى شەكتەۋلى جانداردى كەشەندى وڭالتاتىن جانە ولاردى قاراپايىم الەۋمەتتىك مادەني ومىرگە ىقپالداستىراتىن بەلسەندى شارالار قابىلدانۋدا دەپ حابارلايدى "ادىرنا" ۇلتتىق پورتالىنىڭ ءتىلشىسى.
وبلىس اكىمى وڭداسىن ورازالين جىل باسىنان بەرى مەملەكەتتىك تاپسىرىس اياسىندا بالالار مەن ەرەسەكتەرگە ارنايى الەۋمەتتىك كومەك كورسەتىپ جاتقان ەكى وڭالتۋ ورتالىعىنىڭ قىزمەتىمەن تانىستى. سونىڭ ءبىرى —
"ماليكا" الەۋمەتتىك وڭالتۋ ورتالىعى. مۇندا 16 جاسقا دەيىنگى بالالارعا قىزمەت كورسەتىلەدى.
"بىزدە تىرەك-قيمىل، جۇرەك-قان تامىر، تىنىس الۋ جۇيەلەرى ناۋقاس، كورۋى، ەستۋى ناشار بالالار بار. ولارمەن 15 كۇن بويى پسيحولوگ، ەمدىك دەنە شىنىقتىرۋ نۇسقاۋشىسى، ماسساج جاساۋشى، لوگوپەد-دەفەكتولوگ، پەدياتر سىندى بىلىكتى ماماندار جۇمىس ىستەيدى", — دەيدى ورتالىق ديرەكتورى شارا جارىلعاسوۆا.
ورتالىقتى قاراۋ بارىسىندا وبلىس باسشىسى وڭداسىن ورازالين جاس ەمدەلۋشىلەرمەن جانە ولاردىڭ اتا-انالارىمەن اڭگىمەلەسىپ، ۋاكىلەتتى وكىلدەرگە مۇمكىندىگى شەكتەۋلى بۇلدىرشىندەرگە ارنالعان بالاباقشا اشۋ ماسەلەسىن شەشۋگە قولداۋ كورسەتۋدى تاپسىردى.
ءوڭىر باسشىسى سونداي-اق، "روزا" ورتالىعىنداعى ناۋقاستارعا ارنالعان وڭالتۋ ورتالىعىنا دا باردى.
بۇگىندە اقتوبە وبلىسىندا مۇمكىندىگى شەكتەۋلى 27,5 مىڭداي ادام تۇرسا، ونىڭ 4,5 مىڭعا جۋىعى — 18 جاسقا دەيىنگى بالالار.
بيىل وڭىردە بالالارعا ارنالعان ەكى جانە ەرەسەكتەرگە ارنالعان ءبىر مامانداندىرىلعان ورتالىقتا وڭالتۋ قىزمەتتەرىن كورسەتۋ ءۇشىن مەملەكەتتىك تاپسىرىس بەرىلدى. قازىرگى تاڭدا اۋماعى 3 مىڭ شارشى مەتر بولاتىن تاعى ءبىر ۇلكەن زاماناۋي وڭالتۋ ورتالىعىن اشۋ ءۇشىن ىڭعايلى عيمارات ىزدەستىرىلىپ جاتىر.
سونداي-اق «Nur Otan» پارتياسىنىڭ "وزگەرىستەر جولى: ءار ازاماتقا لايىقتى ءومىر!" اتتى سايلاۋالدى باعدارلاماسى اياسىندا مامانداندىرىلعان سپورتتىق نىساننىڭ جانە ت.ب. قۇرىلىسى باستالدى.
"مەديتسينالىق، الەۋمەتتىك وڭالتۋ قىزمەتتەرىنە سۇرانىس جوعارى. مەملەكەت باسشىسىنىڭ ءتيىستى تاپسىرماسى بار. وسى جىلدان باستاپ اتالمىش باعىتتى دامىتۋعا بيۋدجەتتەن قوسىمشا قاراجات بولدىك. بۇل باعىتتاعى جۇمىستار جالعاساتىن بولادى",- دەپ اتاپ ءوتتى وبلىس اكىمى وڭداسىن ورازالين.
"ادىرنا" ۇلتتىق پورتالى.
