اۋا رايى ىستىق كەزدە كوروناۆيرۋستى جۇقتىرۋ قاۋپى جوعارى بولادى جانە مۇنداي كەزەڭدە ۆيرۋس اۋىر وتەدى. بۇل تۋرالى ماسكەۋ دەنساۋلىق ساقتاۋ دەپارتامەنتىنىڭ ەرەسەكتەرگە العاشقى مەديتسينالىق-سانيتارلىق كومەك كورسەتۋ بويىنشا باس شتاتتان تىس مامانى اندرەي تياجەلنيكوۆ ريا نوۆوستيگە بەرگەن سۇحباتىندا ايتتى، دەپ حابارلايدى «ادىرنا» ۇلتتىق پورتالى.
«اۋا رايى ىستىق كەزدە كوروناۆيرۋس اۋرۋىنا شالدىعۋ قاۋپى جوعارى. ويتكەنى اعزاعا سالقىن تيۋ مۇمكىن. بۇدان بولەك يممۋنيتەت تومەندەۋى دە ىقتيمال. بۇل اسەرلەردىڭ سالدارىنان اعزا باكتەريالار مەن ۆيرۋستاردان قورعان المايدى. سونىمەن قاتار اۋا رايىنىڭ ىستىق بولۋى كوروناۆيرۋستىڭ دا اعىمىن اۋىرلاتادى»، - دەدى ول.
دارىگەر بۇل اۋرۋدى الدىن الۋ ءۇشىن ۆاكتسينانى تەزىرەك الۋ كەرەك ەكەندىگىن ايتىپ ءوتتى.
كوروناۆيرۋس جۇقتىرعاندار بولمەدەگى ىلعالدىلىق پەن تەمپەراتۋرانى مۇقيات قاداعالاۋى كەرەك. ول ءۇشىن بولمەنى جەلدەتىپ، ىلعالدى تازالاۋ ماڭىزدى بولماق.
"ادىرنا" ۇلتتىق پورتالى
