دۇنيەجۇزىلىك دەنساۋلىق ساقتاۋ ۇيىمىنىڭ دەنساۋلىق ساقتاۋ سالاسىنداعى توتەنشە جاعدايلار جونىندەگى باعدارلاماسىنىڭ ديرەكتورى مايكل رايان الەمدە كوروناۆيرۋس ينفەكتسياسىن جۇقتىرۋ جاعدايلارى تۇراقتانعانىن مالىمدەدى، دەپ حابارلايدى «ادىرنا» ۇلتتىق پورتالى Tengrinews.kz سايتىنا سىلتەمە جاساپ.
مايكل رەيننىڭ ايتۋىنشا، سوڭعى ەكى اپتاداعى اۋرۋ كەستەسىنە قاراسا، تۇراقتىلىق كەلگەنىن بايقاۋعا بولادى.
سونداي-اق ول قازىر COVID-19 تارالۋىنىڭ جاعدايى ەكى-ءۇش اي بۇرىنعىعا قاراعاندا جاقسىراق دەگەن پىكىر ءبىلدىردى.
الايدا رايان ءار ەلدە جاعداي ايتارلىقتاي ءار ءتۇرلى ەكەنىن ايتتى: بىرنەشە مەملەكەتە ۆيرۋس جۇقتىرۋدىڭ كۇرت تومەندەۋى بايقالادى، ال باسقالارىندا جاڭا جاعدايلاردىڭ سانى ءوسىپ جاتىر. ونىڭ پىكىرىنشە، بۇل كوروناۆيرۋستىڭ جاڭا شتامدارىنىڭ تارالۋى، ەپيدەمياعا قارسى شارالاردى جەڭىلدەتۋ مەن ادامدار اراسىنداعى بايلانىستىڭ ارتۋى سياقتى بىرقاتار فاكتورعا بايلانىستى.
ددسۇ توتەنشە جاعدايلار ءبولىمىنىڭ باسشىسى ماريا ۆان كەركحوۆە الەمدە كوروناۆيرۋس ينفەكتسياسىنىڭ تارالۋ جاعدايىن "ەكىۇشتى" دەپ سيپاتتادى. ونىڭ ايتۋىنشا، ينفەكتسيانىڭ جاڭا جاعدايلارىنىڭ تومەندەۋى امەريكادا تىركەلدى، بىراق باسقا كونتينەنتتەردە جۇقتىرعاندار سانى ارتىپ بارادى.
"ادىرنا" ۇلتتىق پورتالى
