2 شىلدەدە قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسى اۋماعىندا كوروناۆيرۋستىق ينفەكتسيانىڭ تارالۋىن بولدىرماۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى «ادىرنا» ۇلتتىق پورتالى.
ەرالى توعجانوۆ ەپيدەميولوگيالىق احۋالدىڭ ۋشىعۋىنا بايلانىستى وبلىس اكىمدىكتەرىنە «سارى» ايماقتا ورنالاسقان وڭىرلەردە كۇشەيتىلگەن شەكتەۋ شارالارىن قابىلداۋدى تاپسىردى.
«سونداي-اق اكىمدىكتەرگە ءموبيلدى بريگادالاردىڭ شىعۋىن ۇيىمداستىرۋ ارقىلى اۋىل تۇرعىندارىن ۆاكتسينالاۋ جۇمىستارىن كۇشەيتۋ تاپسىرىلدى»، - دەلىنگەن ️COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ حابارلاماسىندا.
سونىمەن قاتار پرەمەر-ءمينيسترىنىڭ ورىنباسارى الماتى، اتىراۋ جانە سولتۇستىك قازاقستان وبلىستارىنداعى مونيتورينگتىك توپتاردىڭ جۇمىسىن كۇشەيتۋدى تاپسىردى.
«Ashyq» جوباسىنا قاتىساتىن بيزنەس سۋبەكتىلەرىنىڭ قىزمەتىنە جۇرگىزىلگەن مونيتورينگ قورىتىندىسىنا سايكەس «اتامەكەن» ۇكپ ۇسىنىسى بويىنشا كەلۋشىلەردىڭ مارتەبەسىن تەكسەرمەيتىن 464 نىساندى جۇيەدەن 2 اپتاعا الىپ تاستاۋ تۋرالى شەشىم قابىلداندى.
ۆاك وتىرىسىندا ىشكى ىستەر مينيسترلىگىنىڭ ءبىرىنشى ورىنباسارى مارات قوجاەۆ پتر-تەستىلەردى قولدان جاساۋ جانە وتكىزۋ فاكتىلەرى بويىنشا جىل باسىنان بەرى پوليتسيا ورگاندارى 23 قىلمىستىق ءىس، ال جالعان ۆاكتسيناتسيا پاسپورتتارىن پايدالانۋ فاكتىلەرى بويىنشا 4 قىلمىستىق ءىس قوزعالعانىن باياندادى.
"ادىرنا" ۇلتتىق پورتالى
