جاڭا قاۋلى: 15 شىلدەگە دەيىن ۆاكتسينا سالدىرۋ كەرەك

2927
Adyrna.kz Telegram

قازاقستاننىڭ باس سانيتار دارىگەرى ەرلان قياسوۆ جاڭا قاۋلىعا قول قويدى. وعان سايكەس، قىزمەت كورسەتۋ سالاسىنىڭ قىزمەتكەرلەرى 15 شىلدەگە دەيىن ۆاكتسينا سالدىرۋعا مىندەتتەلىپ وتىر، دەپ حابارلايدى «ادىرنا» ۇلتتىق پورتالى Sputnik قازاقستان سايتىنا سىلتەمە جاساپ.

وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، «اتامەكەن» ۇكپ (كەلىسۋ بويىنشا), ۇلتتىق كومپانيالاردىڭ، ۇيىمداردىڭ، مەنشىك نىسانىنا قاراماستان، قازاقستان رەسپۋبليكاسىنىڭ اۋماعىندا وسى قاۋلىنىڭ 6-1-تارماعىندا بەلگىلەنگەن سالالاردا قىزمەتىن جۇزەگە اسىراتىن جەكە جانە زاڭدى تۇلعالاردىڭ باسشىلارى:

- 15 شىلدەگە دەيىنگى مەرزىمدە (تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) ۆاكتسينانىڭ ءبىرىنشى كومپونەنتىمەن، ال 15 تامىزعا دەيىنگى مەرزىمدە COVID-19-عا ۆاكتسينانىڭ ەكىنشى كومپونەنتىمەن پروفيلاكتيكالىق ەگۋلەر جۇرگىزۋدى ۇيىمداستىرسىن;

- پروفيلاكتيكالىق ەگۋلەر جۇرگىزۋ قاجەتتىلىگىنە ەرەكشە نازار اۋدارا وتىرىپ، COVID-19 جاڭا كوروناۆيرۋستىق ينفەكتسياسىنىڭ پروفيلاكتيكاسى ماسەلەلەرى بويىنشا جۇمىسكەرلەر اراسىندا اقپاراتتىق-ءتۇسىندىرۋ جۇمىسىن كۇشەيتسىن;

- COVID-19-عا قارسى ۆاكتسيناتسيا الماعان جۇمىسكەرلەر ءۇشىن (تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) كوزبە-كوز رەجيمدە جۇمىسقا جىبەرۋدى شەكتەسىن، دەلىنگەن قاۋلىدا.

ۆاكتسينانى كىمدەرگە سالدىرماۋعا رۇقسات ەتىلگەن

- مەديتسينالىق قارسى كورسەتىلىمدەرى بار تۇرعىندار;

- سوڭعى 3 اي ىشىندە COVID-19-بەن اۋىرىپ جازىلعاندار.

وسى قاۋلىنىڭ ورىندالۋىن باس سانيتار دارىگەر ءوز باقىلاۋىندا قالدىردى. قۇجات 2021 جىلدىڭ 2 شىلدەسى ساعات 00.00-دەن باستاپ كۇشىنە ەنەدى.

"ادىرنا" ۇلتتىق پورتالى

پىكىرلەر