رەسەي تۇرعىنى 42 وزبەك ميگرانتىن تىشقان ۋىمەن ۋلاعان، دەپ حابارلايدى “ادىرنا” ۇلتتىق پورتالى.
جەرگىلىكتى بۇقارالىق اقپارات قۇرالدارىنىڭ حابارلاۋىنشا، ءىس-ارەكەتىنە بايلانىستى 3 ادام قايتىس بولعان ايەلگە «ەكى نەمەسە ودان دا كوپ ادامنىڭ ابايسىزدا ولىمىنە اكەپ سوقتىردى» جانە «ابايسىزدا دەنساۋلىققا اۋىر زيان كەلتىردى» دەگەن ايىپ تاعىلۋدا.
بۇرىن حابارلانعانداي، 2019 جىلدىڭ شىلدە ايىندا ۋلانعان وزبەكستان ازاماتتارى اۋرۋحاناعا رەسەي فەدەراتسياسىنىڭ سامارا وبلىسى، سىزران اۋدانى، كوشەلەۆكا اۋىلىنان جەتكىزىلدى.
قۇربان بولعاندار - سامارا وبلىسىنا اۋىلشارۋاشىلىق جۇمىستارىنا كەلگەن ەر ادامدار. مەديتسينالىق مەكەمەلەرگە وزبەكستان رەسپۋبليكاسىنىڭ 42 ازاماتى جەتكىزىلدى. قاۋىپسىزدىك كۇشتەرى بەلگىلەگەندەي، بارلىعى 60 گاستاربايتەر جۇمىس ىستەگەن جانە ولار سىزران ايماعىنداعى ۇيدە تۇرعان.
2019 جىلدىڭ تامىزىندا سامارا جانە ۋليانوۆسك وبلىستارىنداعى اۋرۋحانالارعا جەتكىزىلگەن تاعى ءبىر جۇمىسشى جانە ۋليانوۆ وبلىسىنىڭ ەكى تۇرعىنى قايتىس بولدى.
وزبەكتەر جيدەك پەن جەمىس-جيدەك داقىلدارىن ساتۋمەن جانە وندىرۋمەن اينالىساتىن «كوشەلەۆسكي پوساد» جشق-دا جۇمىس ىستەدى.
رەسەي فەدەراتسياسى تەرگەۋ كوميتەتىنىڭ سامارا وبلىسى بويىنشا تەرگەۋ باسقارماسى انىقتاعانداي، ادامداردىڭ ۋلانۋىنا ولاردىڭ كۇنباعىس مايىن تۇتىنۋى سەبەپ بولعان.
تەرگەۋ بارىسىندا «جيدەك فيرماسىنىڭ» 56 جاستاعى باس اگرونومى 2019 جىلى 21 ناۋرىزدا جۇمىسشىلارعا تۇقىمداردى «كۋمارين» نەگىزىندە ۋلى زاتپەن ارالاستىرۋ ارقىلى كەمىرگىشتەرمەن كۇرەسۋ ءۇشىن جەم جاساۋدى تاپسىرعانى انىقتالدى. ۋدىڭ ءبىر بولىگى كاسىپورىن اۋماعىنا تارالدى، ال ءبىر بولىگى باس اگرونوم باسقارعان استىق قويماسىندا ساقتالدى.
2019 جىلى شىلدەدە ۋلانعان تۇقىمداردىڭ قويمادا ساقتالاتىنىن بىلەتىن ايەل سوعان قاراماستان ولاردى جۇمىسشىلارعا بەرگەن. 20 سومكەنىڭ 16-سى ۋمەن تولتىرىلعان.
وندىرىلگەن ماي سىزران ايماعىنداعى كوشەلەۆكا اۋىلىنىڭ اسحاناسىنا جىبەرىلىپ، سول جەردە گاستاربايتەرلەرگە تاماق دايىنداعان.
بۇل ماي وزبەكستان رەسپۋبليكاسىنىڭ 42 ازاماتىن ۋلادى، ولاردىڭ دەنساۋلىعىنا ساراپشىلاردىڭ پىكىرىنشە، اۋىر زيان كەلتىرىلگەن. ءۇش ادام، جوعارىدا ايتىلعانداي، قايتىس بولدى.
قازىرگى ۋاقىتتا «كوشەلەۆسكي پوساد» جاۋاپكەرشىلىگى شەكتەۋلى سەرىكتەستىگىنىڭ باس اگرونومىنا قاتىستى قىلمىستىق ءىستى تەرگەۋ اياقتالدى، ماتەريالدار سوتقا جىبەرىلدى، دەپ حابارلادى رەسەي فەدەراتسياسى تەرگەۋ كوميتەتىنىڭ سامارا وبلىسى بويىنشا تەرگەۋ باسقارماسى.
