شىمكەنتتە ەكىنشى دەڭگەيلى بانك باسشىلارىمەن كەزدەسۋ ءوتتى

2786
Adyrna.kz Telegram

بۇگىن شىمكەنت قالاسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ۇيىمداستىرۋىمەن «بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلامالارىنىڭ ىسكە اسىرىلۋى بويىنشا ەكىنشى دەڭگەيلى بانكتەرمەن كەزدەسۋ ءوتتى.

كەزدەسۋدە مەملەكەتتىك باعدارلامالار شەڭبەرىندە وسى جىلدىڭ جوسپارلارى مەن ەكىنشى دەڭگەيلى بانكتەردەگى جوبالاردى انىقتاپ، ارنايى پۋل ازىرلەۋ تالقىلاندى. سونداي-اق، الداعى ۋاقىتتا ەكىنشى دەڭگەيلى بانكتەردەگى جوبالاردى سۇيەمەلدەۋ بويىنشا فرونت وفيستە شتاب قۇرۋ ماسەلەسى قارالدى.

ايتا كەتسەك، قازىرگى تاڭدا «بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلامالارى بويىنشا بانكتەردە جالپى سوماسى 74,7 ملرد.تەڭگەنى قۇرايتىن 292 جوبا قارالۋدا. سونىڭ ىشىندە «بيزنەستىڭ جول كارتاسى-2025» بويىنشا 49 ملرد.تەڭگەگە 277 جوبا، «قاراپايىم زاتتار ەكونوميكاسى» باعدارلاماسى بويىنشا 25,7 ميلليارد تەڭگەنى قۇرايتىن 15 جوبا قاراستىرىلىپ جاتىر.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر