قازاقستاننىڭ تۇڭعىش پرەزيدەنتى نۇرسۇلتان نازارباەۆ «سپۋتنيك V» ۆاكتسيناسىنىڭ ءبىرىنشى كومپونەنتىن الدى، دەپ حابارلايدى «ادىرنا» ۇلتتىق پورتالى Elbasy سايتىنا سىلتەمە جاساپ.
«قازىرگى تاڭدا قازاقستاندا ءۇش ميلليونعا جۋىق ادام ۆاكتسينا سالدىردى. بۇگىن مەن دە كوروناۆيرۋسقا قارسى ۆاكتسينا الدىم. بارشا قازاقستاندىقتاردى بەلسەندى تۇردە ۆاكتسيناتسيا جاساتۋعا، ودان قورىقپاۋعا شاقىرامىن. اسىرەسە قازىر ۆيرۋستىڭ جاڭا شتامى پايدا بولعان كەزدە ۆاكتسينا سالعىزۋدىڭ ماڭىزى ەرەكشە. بۇل ءوز دەنساۋلىعىمىز ءۇشىن كەرەك. ءبىز كۇردەلى ۋاقىتتا ءومىر ءسۇرىپ جاتىرمىز. وسى قيىندىقتى بىرلەسىپ ەڭسەرۋگە ءتيىسپىز. بارشاڭىزعا شىن جۇرەكتەن مىقتى دەنساۋلىق پەن باق-بەرەكە تىلەيمىن»، – دەدى ەلباسى.
"ادىرنا" ۇلتتىق پورتالى
