بۇگىن، 22 ماۋسىم كۇنى پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن قازاقستان اۋماعىندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى. ولار قازاقستاندا كارانتيندىك شەكتەۋلەر كۇشەيتۋ تۋرالى شەشىم شىعاردى. بۇل تۋرالى primeminister.kz جازدى، دەپ حابارلايدى «ادىرنا» ۇلتتىق پورتالى.
نۇر-سۇلتانداعى «دەلتا» («ۇندىلىك») شتاممىنا ءتان COVID-19 مۋتاتسياسىنىڭ انىقتالۋىنا بايلانىستى ۆەدومستۆوارالىق كوميسسيا باس مەملەكەتتىك سانيتار دارىگەرىنە كارانتيندىك رەجيم بويىنشا مىناداي قوسىمشا شارالار قابىلداۋدى ۇسىندى:
- COVID-19-عا قارسى ۆاكتسيناسىز (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) قىزمەت كورسەتۋ سالاسىنىڭ قىزمەتكەرلەرى، ءىرى ۇيىمداسقان ۇجىمدار (ونەركاسىپتىك كاسىپورىندار) ءۇشىن جۇمىسقا كىرۋگە شەكتەۋ ەنگىزۋ);
- كۆي-عا قارسى ۆاكتسينا الۋدان باس تارتاتىن (كۆي-عا قارسى ۆاكتسينالاۋعا مەديتسينالىق قارسى كورسەتىلىمدەرى جوق ازاماتتار) قىزمەت كورسەتۋ سالاسىنىڭ، ونەركاسىپ كاسىپورىندارىنىڭ جانە وزگە دە ۇيىمداسقان ۇجىمداردىڭ قىزمەتكەرلەرى ءۇشىن مىندەتتى پتر-تەستىلەۋ تالابىن ەنگىزۋ);
- «Ashyq» جوباسىنا جاڭا كاسىپكەرلىك سۋبەكتىلەرىن قوسۋ ءۇشىن، سونداي-اق جوبا اياسىندا جۇمىس ىستەپ تۇرعان سۋبەكتىلەردىڭ جۇمىسىن ودان ءارى جالعاستىرۋ ءۇشىن بارلىق پەرسونالدى (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) ۆاكتسينالاۋ قاجەتتىلىگى جونىندە تالاپ ەنگىزۋ);
- «Ashyq» جوباسىنا ساۋدا ويىن-ساۋىق ورتالىقتارىن، ساۋدا ۇيلەرى مەن ازىق-تۇلىكتىك ەمەس بازارلاردى قوسۋ.
"ادىرنا" ۇلتتىق پورتالى
