جامبىلدىق پوليتسەيلەر جەزوكشەلىكپەن اينالىسۋعا ارنالعان پريتوننىڭ جۇمىسىن توقتاتتى، دەپ حابارلايدى «ادىرنا» ءتىلشىسى وبلىستىق پوليتسيا دەپارتامەنتىنە سىلتەمە جاساپ.
«ستوپ-ترافيك» جەدەل الدىن الۋ ءىس-شاراسىنىڭ العاشقى كۇنى تاراز قالاسىنىڭ ساۋىقتىرۋ كەشەندەرىنىڭ بىرىندە پوليتسيا قىزمەتكەرلەرى جەزوكشەلىكپەن اينالىسۋ ءۇشىن پريتوندى ۇيىمداستىرۋمەن جانە ۇستاۋمەن اينالىسقان 36 جاستاعى ايەلدى ۇستادى»،– دەلىنگەن حابارلامادا.
اتالعان دەرەككە قاتىستى قر قك 309-بابىنىڭ 1-بولىگى (جەزوكشەلىكپەن اينالىسۋعا ارنالعان پريتوندى ۇيىمداستىرۋ نەمەسە ۇستاۋ جانە جەڭگەتايلىق) بويىنشا سوتقا دەيىنگى تەرگەۋ امالدارى باستالدى. ۇستالعان ازاماتشا كىناسىن مويىندادى. سونداي-اق، قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 449-بابىنىڭ 1-بولىگى (قوعامدىق ورىنداردا ءتيىسۋ) بويىنشا 12 ادام اكىمشىلىك جاۋاپكەرشىلىككە تارتىلدى، قر اقبتك-ءنىڭ 450-بابىنىڭ 1-بولىگى (كورىنەۋ جەزوكشەلىكپەن اينالىسۋ نەمەسە جەڭگەتايلىق ءۇشىن ءۇي-جايلار بەرۋ) بويىنشا 1 اكىمشىلىك قۇقىق بۇزۋشىلىق دەرەگى انىقتالدى.
پروفيلاكتيكالىق ەسەپكە "سۋتەنەر" ساناتى بويىنشا 1 ادام جانە جەزوكشەلىكپەن اينالىسقانى ءۇشىن 1 ايەل قويىلدى.
«ادىرنا» ۇلتتىق پورتالى
