دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) ساراپشىسى قانداي جاعدايدا الەم كوروناۆيرۋس پاندەمياسىن جەڭەتىنىن ايتتى، دەپ حابارلايدى «ادىرنا» ۇلتتىق پورتالى Tengrinews.kz سايتىنا سىلتەمە جاساپ.
دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) توتەنشە جاعدايلار جونىندەگى باعدارلاماسىنىڭ ديرەكتورى مايكل رايان كوروناۆيرۋستىڭ تارالۋ قاۋپىن پلانەتاداعى بارلىق ادامنىڭ كەمىندە 80 پايىزى ۆاكتسينا سالدىرعان جاعدايدا عانا ازايتۋعا بولاتىنىن ايتتى. ونىڭ سوزىنشە، سOVID-19 پاندەمياسى اياسىندا كەڭىنەن ۆاكتسينامەن قامتۋ وتە ماڭىزدى.
«قازىر ول نە بولۋى كەرەك ەكەنى بەلگىسىز. بىراق ءبىز ۆيرۋس جۇقتىرۋ قاۋپىن ەداۋىر ازايتۋ ءۇشىن الەم حالقىنىڭ شامامەن 80 پايىزىن ۆاكتسينالاۋ كەرەك دەپ بولجاپ وتىرمىز»، - دەدى مايكل رايان ءباسپاسوز ءماسليحاتىندا.
ساراپشى بۇل ەرەجە ۆيرۋس جۇقتىرعاندار سانى از ەلدەرگە دە، اۋرۋ دەڭگەيى جوعارى ەلدەرگە دە قاتىستى ەكەنىن ايتتى. راياننىڭ سوزىنشە، بىرىنشىلەرىنە اشىلۋ قيىن بولادى. بۇل اۋرۋدىڭ ەلدەن-ەلگە كوشۋىنە بايلانىستى، جاڭا وشاق پايدا بولۋى جوققا شىعارىلمايدى.
بۇعان دەيىن ددۇ باسشىسى تەدروس ادان گەبرەيسۋس سOVID-19 پاندەمياسىن الداعى ايلاردا باقىلاۋعا الۋعا بولاتىنىن ايتقان ەدى.
"ادىرنا" ۇلتتىق پورتالى
