قر دەنساۋلىق ساقتاۋ ءمينيسترى الەكسەي تسوي ەلىمىزدەگى ماسكا تاعۋ رەجيمىنىڭ قاشان اياقتالاتىنىن نارتاي ارالبايۇلىنا بەرگەن سۇحباتىندا مالىمدەدى، دەپ حابارلايدى «ادىرنا» ۇلتتىق پورتالى.
«بۇل ەڭ ماڭىزدى ماسەلەلەردىڭ ءبىرى شىعار. مۇنى كۇزدىڭ باسىنا قاراي توقتاتۋدى جوسپارلاپ وتىرمىز. قىركۇيەككە قاراي حالىقتىڭ باسىم بولىگىن ۆاكتسينالاپ ءبىتۋىمىز كەرەك. كەيبىر ەلدەردە حالىقتىڭ 60 پايىزىنا دەيىن ۆاكتسينا سالدىرعانىن جانە ماسكا تاعۋ رەجيمىن الىپ تاستاۋعا رۇقسات ەتىلگەنىن كورىپ وتىرمىز. ويتكەنى ۇجىمدىق يممۋنيتەت بار. وسىلايشا ادامدار ءبىر-ءبىرىن قورعايدى»، - دەدى مينيستر.
سونىمەن قاتار ول ەگەر قازاقستاندىقتار قازىر بەتپەردە تاعۋدى توقتاتسا، ۆيرۋس تارالا بەرەتىنىن ايتىپ ءوتتى. ويتكەنى ۆاكتسينا الماعان ادامدار وتە كوپ ەكەن.
«ۆيرۋس ادامنان ادامعا جۇعادى. ال ۆاكتسينا العان ادامدا ۆيرۋستىڭ تارالۋى توقتايدى. ەگەر ادامداردىڭ كوپشىلىگى ۆاكتسينا السا، ۆيرۋس ودان ءارى باسقا بىرەۋگە جۇقپايدى»، - دەدى ول.
"ادىرنا" ۇلتتىق پورتالى
