سارىاعاش اپب-ءنىڭ جەدەل ۋاكىلدەر توبى 13 جىلدان بەرى ىزدەۋدە جۇرگەن الاياقتى ۇستادى، دەپ حابارلايدى «ادىرنا» ءتلىشىسى Polisia.kz-كە سىلتەمە جاساپ.
«سارىاعاش اپب-نە 2008 جىلى جەرگىلىكتى تۇرعىن ارىزدانىپ، ءوزىنىڭ تانىسى وزبەكستان ەلىنەن ءىرى مولشەردە ەت الىپ كەلىپ بەرەمىن دەپ سەنىمىنە كىرىپ، 2,5 ميلليون تەڭگەسىن جىمقىرىپ كەتكەنىن كورسەتكەن. اتالعان جايتتى پوليتسەيلەر قر قىلمىستىق كودەكسىنىڭ 190-بابى (الاياقتىق) بويىنشا تىركەپ، ىزدەستىرۋ جۇمىستارىن جاساعان. الايدا اقپارات كوزىنىڭ جوقتىعىنا بايلانىستى قىلمىسكەردى ۇستاۋ وڭايعا تيمەگەندىكتەن، ىزدەۋگە قويىلعان. سودان سارىاعاشتىق پوليتسەيلەر كۇدىكتىنى انىقتاۋ ماقساتىندا كۇنى-ءتۇنى قاجەتتى جۇمىستىردى جاسادى. ناتيجەسىندە جەدەل ۋاكىلدەر توبى كۇدىكتى ازاماتتى اقپارات كوزدەرى ارقىلى ماسكەۋ قالاسىنان انىقتاپ، بولىمگە جەتكىزدى»،–دەلىنگەن حابارلامادا.
ورتا جاستاعى كۇدىكتى ازامات 10 جىل بويى رەسەي فەدەراتسياسىندا جۇمىس جاساپ جۇرگەن جەرگىلىكتى تۇرعىن ەكەنى بەلگىلى بولدى. بۇگىندە ايعاقتى زات رەتىندە كۇدىكتىدەن اقشا الىنىپ، زاڭدى يەسىنە قايتارىلدى. ۇستالعان ەر ازامات قاماۋدا.
قازىرگى تاڭدا كۇدىكتى ازاماتقا قاتىستى تەرگەۋ امالدارى جۇرگىزىلۋدە.
«ادىرنا» ۇلتتىق پورتالى
