تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ەلدەگى ينتەرنەت ماسەلەسىن شەشۋگە ۋادە بەردى، دەپ حابارلايدى «ادىرنا» ءتىلشىسى. بۇل تۋرالى ول پارلامەنت ءماجىلىسىنىڭ جالپى وتىرىسىندا ايتتى.
مينيستر كەلتىرگەن ستاتيستيكاعا سۇيەنسەك، قازىرگى تاڭدا 1 200 اۋىلدى مەكەننىڭ عالامتور جەلىسىنە قوسىلۋعا مۇمكىندىگى جوق.
«2022 جىلدىڭ سوڭىنا دەيىن قازاقستانداعى 500 اۋىلعا ساپالى ينتەرنەت بەرۋدى جوسپارلاپ وتىرمىز»،- دەدى ول.
ءماجىلىس توراعاسى نۇرلان نىعماتۋلين ب. مۋسينگە كەلەسى جىلى اتقارىلعان جۇمىستىڭ ناتيجەسىن كورسەتۋدى تالاپ ەتتى.
«وسى جۇمىستاردان ءبىر ناتيجە شىعارىڭىزشى. ەلدەن، حالىقتان ۇيات ەمەس پە؟ بۇرىنعى مينيسترلەر بەلگىلەنگەن مەرزىمدى 5 رەت جىلجىتقان. سىزدەن 2022 جىلى ناتيجە كۇتەمىز. قولداۋعا دايىنبىز»،-دەدى ءماجىلىس توراعاسى.
«ادىرنا» ۇلتتىق پورتالى
