قۇرمەتتى دوستار!
ب.بايبەكتىڭ ار-نامىسىن، قادىر-قاسيەتىن جانە ىسكەرلىك بەدەلىن قورعاۋ تۋرالى ج. ماماي مەن ي.يمانباەۆاعا قاتىستى بەرگەن تالاپ ارىزىما بايلانىستى سوت كەشە تاراپتاردى مەدياتسيا جۇرگىزۋ ءۇشىن 6 مامىرعا اڭگىمەلەسۋ تاعايىنداعانى تۋرالى حاباردار ەتتى.
حابارلاماعا سايكەس تاتۋلاستىرۋ پروتسەسى ونلاين رەجيمدە تەلەفون ارقىلى وتەدى. 4 مامىرداعى جازبامدا مەن جاۋاپكەرلەردى الداعى اڭگىمە تۋرالى قوسىمشا حاباردار ەتە وتىرىپ «تەگتەدىم».
ازاماتتىق پروتسەستىك كودەكستىڭ 150 جانە 174-باپتارىنا سايكەس سوت تاراپتارعا پروتسەستىڭ بارلىق ساتىسىندا داۋدى رەتتەۋگە جاردەمدەسە وتىرىپ، ولاردىڭ تاتۋلاسۋى ءۇشىن شارالار قابىلدايتىنىن ءتۇسىندىرىپ وتەيىن.
بۇعان دەيىن حابارلاعانىمداي، ب.بايبەك ازاماتتىق ءىس قاراۋمەن شەكتەلىپ، جاۋاپكەرلەردى قىلمىستىق جانە اكىمشىلىك قۋدالاۋدان باس تارتتى. ونىڭ باستى ماقساتى – ج.ماماي مەن ي. يمانباەۆا تاراتقان مالىمەتتەردىڭ جالعان ەكەنىن دالەلدەپ، ءوزىنىڭ ابىرويىن قالپىنا كەلتىرۋ.
وسىلايشا، 5 كۇن بۇرىن مەن ج.ماماي مەن ي.يمانباەۆانىڭ جالعان دايەكتەرىن تولىعىمەن جوققا شىعاراتىن 20-دان استام رەسمي قۇجات (سوت شەشىمدەرى، اكىمدىك قاۋلىلارى جانە ت. ب.) تىزىمدەلگەن تالاپ ارىز جاريالادىم. سونىمەن قاتار بۇل ماتەريالدار سول كەزدەگى بارلىق شەشىم تەك قوعام مەن مەملەكەت مۇددەلەرى ءۇشىن قابىلدانعانىن كورسەتەدى. وسى فاكتىلەردىڭ بارلىعى ب.بايبەكتىڭ 19 ساۋىردەگى سۇحباتىندا باياندالدى.
سونىمەن قاتار، جاۋاپكەرلەر نەگىزسىز جانە دالەلسىز ايىپتاۋلارى بار بەينە جانە باسپا ماتەريالدارىن YouTube پەن الەۋمەتتىك جەلىلەردە سالۋىن جالعاستىرىپ جاتىر.
وسىعان قاراماستان، ءبىز مەدياتيۆتى كەلىسىم جاساسۋعا (تاتۋلاسۋعا) جانە سوت پروتسەسى باستالعانعا دەيىن جاعدايدى كەلەسى شارتتارمەن شەشۋگە دايىنبىز. سونىمەن، جاۋاپكەرلەر:
1) ءتيىستى الەۋمەتتىك جەلىلەردە جانە YouTube-تا ب.بايبەككە قاتىستى جالعان، نەگىزسىز مالىمەتتەردى تەرىسكە شىعارۋى كەرەك;
2) مەنىڭ سەنىم ءبىلدىرۋشىمنىڭ ار-نامىسى مەن قادىر-قاسيەتىنە نۇقسان كەلتىرەتىن ماتەريالداردى الىپ تاستاۋى ءتيىس.
ءسوز سوڭىندا ايتارىم، وسى تاقىرىپ بويىنشا حايپ قۋماۋ جايلى وتىنىشتەرىمە قاراماستان، بۇل ازاماتتىق پروتسەستىك كودەكستىڭ تالاپتارىنا زاڭدى تۇردە سايكەس كەلمەيتىنى تۋرالى پىكىر بىلدىرەتىن كەيبىر پايدالانۋشىلار تاراپىنان قوعامدى وسى تالاپ ارىزدىڭ ءمان-جايىنان الشاقتاتۋعا ارەكەتتەر جاسالعانىن كورىپ ءجۇرمىن.
مەن تالاپ ارىز زاڭنىڭ بارلىق تالاپتارىنا تولىعىمەن سايكەس كەلەتىنىن جاۋاپكەرشىلىكپەن مالىمدەيمىن. ونىڭ ءماتىنى (تاراپتاردىڭ جەكە دەرەكتەرىن قوسپاعاندا) مەنىڭ 30 ساۋىردەگى جازبامدا قوسا بەرىلگەن، وسىلايشا ءاربىر ادام وعان كوز جەتكىزۋى كەرەك.
10 جۇمىس كۇنى ىشىندە سوت تالاپ ارىزدى ءىس جۇرگىزۋگە قابىلداۋ نەمەسە ونى قايتارۋ تۋرالى ۇيعارىم شىعارادى، سول ارقىلى وسى ماسەلەگە نۇكتە قويادى.
سىزدەرگە وسى ازاماتتىق ءىس جۇرگىزۋدىڭ بارىسى تۋرالى ءارى قاراي دا حابارلايتىن بولامىن.
ايجان تاشەنوۆا Facebook پاراقشاسىنان
