الماتىدا 19 جاستاعى ەر ادام 7 جاسار قىزدى شەشىندىرمەك بولدى دەگەن كۇدىككە ءىلىندى. بۇل تۋرالى الماتى پوليتسيا دەپارتامەنتىنىڭ ءباسپاسوز قىزمەتى وكىلدەرى ايتتى.
وقيعا كامەراعا ءتۇسىپ قالعان. كادردان ەر ادامنىڭ بالانى كوتەرىپ بارا جاتقانى كورىنەدى.
وقيعا 13.00-دە تۇركسىب اۋدانىنداعى شاعىن اۋدانداردىڭ بىرىندە بولعان.
«7 جاستاعى قىز دۇكەننەن ۇيىنە كىرىپ كەلە جاتقان. ونىڭ ارتىنان ەر ادام قوسا كىرەدى. بالانى قولىنا الىپ، باسپالداقپەن قايتادان تومەنگە تۇسەدى. كەيىن ونى كامەراعا تۇسپەيتىن قۋىسقا الىپ كىرگەنى كورىنەدى. وندا ەر ادام بالانى شەشىندىرىپ، تيىسە باستاعان. بالا قاشىپ شىعادى. ۇيىنە كەلىپ، بولعان جاعدايدى اناسىنا ايتىپ بەرگەن. اناسى بىردەن پوليتسياعا حابارلاستى. بۇل قىلمىستى «ءىزىن سۋىتپاي» اشۋعا ىقپال ەتتى»، – دەدى الماتى قالاسى پوليتسيا دەپارتامەنتى باستىعىنىڭ ورىنباسارى پوليتسيا پودپولكوۆنيگى رۋستام ءابدىراحمانوۆ.
كۇدىكتى رەتىندە 2002 جىلى تۋعان ەر ادام ۇستالدى. سول شاعىن اۋداندا تۇراتىنى انىقتالعان. ول اقىل-ەسى كەم رەتىندە تىزىمدە تۇراتىنى بەلگىلى بولدى.
«بۇل فاكت قر قك-ءنىڭ 124-بابى 1-بولىگى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىمىنە تىركەلدى. قىلمىستىق ءىس بويىنشا تەرگەۋ شارالارى مەن ساراپتامالىق زەرتتەۋلەر جۇرگىزىلىپ جاتىر»، – دەدى پودپولكوۆنيك ابدراحمانوۆ.
