ەلىمىزدىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ادۆوكاتى شەنەۋنىكتىڭ دەنساۋلىعىنىڭ ناشار ەكەنىن ايتىپ ەدى. ايتا كەتۋ كەرەك، بۇرىنعى دەنساۋلىق ساقتاۋ ءمينيسترى سىبايلاس جەمقورلىققا قاتىستى دەگەن ايىپپەن بەس ايعا جۋىق ۇيقاماقتا وتىر.
بۇگىن، 21 ءساۋىر كۇنى الەۋمەتتىك جەلىدە ەلجان ءبىرتانوۆتىڭ ادام تانىماستاي وزگەرىپ كەتكەن سۋرەتى جاريالاندى.
2020 جىلى قاراشا ايىندا ءبىرتانوۆ «ءىرى كولەمدە قارجى جىمقىرۋ» كۇدىگى بويىنشا ۇستالعان بولاتىن. دالىرەك ايتساق، ەكس-مينيستر تسيفرلاندىرۋعا بولىنگەن 526 ميلليون تەڭگە كولەمىندە قاراجاتتى جىمقىرعان دەپ ايىپتالعان.
ول ۇستالعاننان كەيىن الەۋمەتتىك جەلىلەردە ءمينيستردى قولداۋ اكتسيالارى ءوتىپ، قولدانۋشىلار بيلىكتەن ءبىرتانوۆتى بوساتۋدى سۇراعان بولاتىن.
"ادىرنا" ۇلتتىق پورتالى
