قاپشاعايدا الماتىلىق جىگىت كافەدەن 40 تاياق كاۋاپ ۇرلاپ كەتتى، دەپ حابارلايدى «ادىرنا» ۇلتتىق پورتالى.
قازاقستان رەسپۋبليكاسى ىشكى ىستەر مينيسترلىگىنىڭ رەسمي سايتىنىڭ حابارلاۋىنشا، كافەنىڭ 36 جاستاعى يەسى پوليتسياعا بولعان جاعداي تۋرالى مالىمدەگەن. ونىڭ ايتۋىنشا، تۇندە بىرەۋ مەكەمەگە باسا كوكتەپ كىرىپ، توڭازىتقىشتان 40 تاياق شيكى كاۋاپ ۇرلاپ كەتكەن. شىعىن مولشەرى 35 مىڭ تەڭگەنى قۇرادى.
پوليتسيا كۇدىكتىنى تاپتى. ول 32 جاستاعى الماتى قالاسىنىڭ تۋماسى بولىپ شىقتى.
«ۇرلىقشى ءوز كىناسىن مويىندادى. ول عيماراتقا قاقپا اراسىنان كىرگەنىن ايتتى. اتالعان فاكت بويىنشا قر قىلمىستىق كودەكسىنىڭ 3-بولىگى 188-بابى «ۇرلىق» بويىنشا قىلمىستىق ءىس قوزعالدى. تەرگەۋ ءىسى ءجۇرىپ جاتىر»، دەيدى پوليتسيا.
«ادىرنا» ۇلتتىق پورتالى
