كەزدەسۋگە مەملەكەتتىك حاتشى، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمى گ.ابدىقالىقوۆا،
پرەزيدەنت اكىمشىلىگىنىڭ باسشىسى ءا.جاقسىبەكوۆ، پارلامەنت ءماجىلىسىنىڭ دەپۋتاتى، بالا قۇقىقتارى جونىندەگى ۋاكىل ز.باليەۆا،
كوپ بالالى انا و.مۇقاشەۆا،
ۇلتتىق ەكونوميكا ۆيتسە-ءمينيسترى م.ابىلقاسىموۆا،
ميكروبيولوگ-عالىم ءا.ەرنازاروۆا، بياتلوننان «الماتى-2017» ۋنيۆەرسياداسىنىڭ جەڭىمپازى ا.شەۆچەنكو، اۋىلدىق ورتا مەكتەپ ديرەكتورى ي.سەدوۆا،
«جاس اتامەكەن» جاس كاسىپكەرلەر كلۋبىنىڭ پرەزيدەنتى ز.كوكجانوۆا;
اقىن ت.قابىلشا،
«تەڭىزشەۆرويل» جاۋاپكەرشىلىگى شەكتەۋلى سەرىكتەستىگى ادام رەسۋرستارى باسقارماسىنىڭ باس مەنەدجەرى ش.التىباەۆا،
اۋداندىق (پاۆلودار وبلىسى)اۋرۋحانانىڭ باس دارىگەرى ق.رازيەۆا،
«استانا-بالەت» تەاترىنىڭ جەتەكشى بالەريناسى م.بۋكانوۆا،
قوبىزدان حالىقارالىق بايقاۋلاردىڭ جەڭىمپازى ا.تاجىباەۆا،
كامەلەتكە تولماعاندار ءىسى جونىندەگى مامانداندىرىلعان اۋدانارالىق سوت توراعاسى ن.راززاق،
اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ءانشىسى و.داۆىدەنكو،
قازاقستان رەسپۋبليكاسى قارۋلى كۇشتەرىنىڭ پاراشيۋتپەن سەكىرۋگە دايىنداۋ ورتالىعىنىڭ اعا مامانى ر.رامازانوۆا،
ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ماگيسترانتى م.گاليتسكايا،
م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكريساسى س.باقاەۆا جانە جۋرناليست ۆ.ميرلانقىزى قاتىستى.
ەلباسى بۇل كەزدەسۋدە قىز-كەلىنشەكتەردى حالىقارالىق انالار مەرەكەسىمەن قۇتتىقتاي وتىرىپ، ولارعا مەملەكەت تاراپىنان كورسەتىلىپ جاتقان قامقورلىقتارعا توقتالدى.
بيىل مەنىڭ تاپسىرماممەن 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى ىسكە اسىرىلا باستايدى. شىلدە ايىندا بالا تۋعا بايلانىستى تولەنەتىن جاردەماقى كولەمى 20 پايىزعا وسەدى. جىل سايىن انا مەن بالاعا قاراستىرىلعان قارجىلىق قولداۋ شىعىندارى 160 ميلليارد تەڭگە بولىپ وتىر. وعان قوسا اتا-انالارعا 120 ميلليارد تەڭگە مەملەكەتتىك الەۋمەتتىك ساقتاندىرۋ قورى ەسەبىنەن تولەنىپ كەلەدى. سوڭعى ون جىلدا ءبىز انا ءولىمىن 3,7 ەسەگە، بالا ءولىمىن ءبىر جارىم ەسەگە دەيىن تومەندەتۋگە قول جەتكىزدىك، – دەدى مەملەكەت باسشىسى.
ءىس-شارا سوڭىندا كوپ بالالى انا و.مۇقاشەۆا «التىن القا» بەلگىسىمەن ماراپاتتالىپ، كەزدەسۋگە قاتىسۋشىلار ءۇشىن «اقوردا» رەزيدەنتسياسى ىشىندە ەكسكۋرسيا جۇرگىزىلدى.
"ادىرنا" كز
