2021 جىلعى 1 ساۋىردەگى جاعداي بويىنشا 3 966 ادام تاريحي وتانىمەن تابىسىپ، قانداس مارتەبەسىن الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ءمالىم ەتتى، دەپ حابارلايدى Stan.kz اقپارات اگەنتتىگى.
جالپى 1991 جىلدان بەرى رەسپۋبليكاعا شامامەن 1 ملن 74,3 مىڭ ەتنيكالىق قازاق ورالدى.
وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (75,6%) وزبەكستاننان، 11,9% – قحر-دان، 5,8% – تۇركىمەنستاننان، 3,0% – موڭعوليادان جانە 3,6% – باسقا ەلدەردەن.
كەلگەن ەتنيكالىق قازاقتار نەگىزىنەن الماتى (32,6%), تۇركىستان (16,5%) جانە ماڭعىستاۋ (14,2%) وبلىستارىنا، سونداي-اق شىمكەنت (12,0%) جانە نۇر-سۇلتان (5,4%) قالالارىنا قونىستاندى.
اعىمداعى جىلعى 1 ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 59,9%-دى، ەڭبەككە قابىلەتتى جاستان كىشى 24,1%-دى جانە زەينەتكەرلەر 16,0%-دى قۇرايدى.
