قۇقىق قۇرعاۋ ورگاندارى وكىلدەرىنىڭ مالىمدەۋىنشە، قيىلىستا تۇرعان كولىك جۇرگىزۋشىسى قارسى باعىتتا كەلە جاتقان Corolla-نى وتكىزبەۋى سالدارىنان جول اپاتى تۋىنداعان، دەپ حابارلايدى Sputnik قازاقستان.
وقيعا ناۋرىزباي اۋدانىنداعى جاندوسوۆ پەن داۋلەتكەرەي كوشەسىنىڭ قيىلىسىندا بولدى.
Volkswagen Passat جاندوسوۆ كوشەسىمەن باتىس باعىتقا قاراي كەلىپ، قارسى باعىتتاعى Toyota Corolla ماركالى اۆتوكولىكتىڭ جولىن كەسىپ، بۇرىلىس جاساعان.
جوعارى جىلدامدىقپەن كەلە جاتقان Toyota جۇرگىزۋشىسى تەجەگىشتى باسىپ ۇلگەرمەي، Volkswagen كولىگىن سوققان. سوققىنىڭ قاتتى بولعانى سونشالىق، Volkswagen Passat جولدىڭ قارسى بەتىندەگى جيەككە دەيىن شىعىپ كەتەدى.
ال سالوندا بولعان جولاۋشى ايەل مەن ەكى بالا دارىگەرلەر قاراۋىنان كەيىن ۇيىنە جىبەرىلدى
وقيعا سالدارىنان ءتورت ادام جاراقات الدى. جول ەرەجەسىن ساقتاماعان Passat جۇرگىزۋشىسى جاراقاتپەن اۋرۋحاناعا جەتكىزىلدى. ال جولاۋشى ايەل مەن ەكى بالا دارىگەرلەر قاراۋىنان كەيىن ۇيىنە جىبەرىلدى.
