رەسپۋبليكا بويىنشا شامامەن 16 ملن قازاقستاندىق نەمەسە حالىقتىڭ 84%-ى مەديتسينالىق ساقتاندىرۋ جۇيەسىمەن قامتىلعان. ەلىمىزدە ءمامس جۇيەسىنە ەنبەگەندەردىڭ سانى 3 ملن-نان اسىپ وتىر.
رەسپۋبليكادا جارنانى تۇراقتى تولەمەگەنى ءۇشىن 1,6 ملن ادام مارتەبەگە يە بولعان جوق، ال 1,4 ملن تۇلعا ءبىر جىل ىشىندە بىردە-ءبىر رەت جارنا تولەمەگەن.
بۇگىنگى كۇنگە اتىراۋ وبلىسى بويىنشا ساقتاندىرىلعان ازاماتتاردىڭ سانى 563 مىڭ، ياعني 85,8 % -ى ساقتاندىرۋ جۇيەسىنە ەنگەن. بۇل رەسپۋبليكا بويىنشا ۇزدىك ۇشتىككە كىرە الاتىن كورسەتكىش سانالادى. ال وبلىستا “ساقتاندىرىلماعان” ازاماتتارىمىزدىڭ سانى – 93 571 ادامدى قۇرايدى، بۇل پايىزعا شاققاندا 14,2 % قۇراپ وتىر – دەپ اتاپ ءوتتى “الەۋمەتتىك مەديتسينالىق ساقتاندىرۋ قورى” كەاق اتىراۋ وبلىسى بويىنشا فيليالىنىڭ ديرەكتورى س. قۇرالبەك.
اتىراۋ وبلىسىندا تۇرعىنداردى ءمامس جۇيەسىنە ەنگىزۋ ءۇشىن تىڭعىلىقتى جۇمىستار جۇرگىزۋ ودان ءارى جالعاسۋدا.
اتىراۋ وبلىسى بويىنشا جارنانىڭ جالپى سوماسى 30 ملرد 372 ملن تەڭگەنى قۇراپ وتىر. ونىڭ 25 ملرد 180 ملن تەڭگەسى (شامامەن 96,4%) جۇمىس بەرۋشىلەردىڭ اۋدارىمدارى بولسا، قالعان 5 ملرد 191 ملن. تەڭگە (3,6% جۋىعى) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى.
ايتا كەتەيىك، 2021 جىلعا جۇرگىزىلگەن مەديتسينالىق قىزمەتتەردى ساتىپ الۋ قورىتىندىلارى بويىنشا اتىراۋ وبلىسى بويىنشا 62 مەديتسينالىق ۇيىم مەديتسينالىق ساقتاندىرۋ قورىنىڭ جەتكىزۋشىسى بولدى، ونىڭ 33-ءى مەملەكەتتىك، 29-ى — جەكە مەنشىك كاسىپورىندار.
