الماتى قالاسىنىڭ دەنساۋلىق ساقتاۋ باسقارماسى گوسپيتال جانىنداعى جەدەل جاردەم كولىكتەرى تۋرالى فوتوعا قاتىستى تۇسىنىكتەمە بەردى، دەپ جازادى inbusiness.kz.
الەۋمەتتىك جەلىلەردە تارالىپ كەتكەن گوسپيتال الدىنا جينالعان جەدەل جاردەم كولىكتەرىنىڭ فوتوسىن كەيبىر ادامدار «جۇرتتى ۇركىتۋ ءۇشىن، كوروناۆيرۋستان قورقىتۋ ءۇشىن جاسالعان قويىلىم» دەپ بولجادى. كەيبىرەۋلەرى ءتىپتى جاعدايدى ۇيالى تەلەفوننىڭ كامەراسىنا ءتۇسىرۋ ءۇشىن اۋرۋحانا عيماراتىنا دا بارعان، بىراق ەشقانداي دۇربەلەڭ بايقالماعان. الماتى قالاسىنىڭ دەنساۋلىق ساقتاۋ باسقارماسى بۇل جاعدايدى ءتۇسىندىرىپ ءوتتى. باسقارمادان ايتىلعانداي، جەدەل جاردەم كولىكتەرىنىڭ كەپتەلىسى ءبىر رەت قانا بولعان جانە قايتالانعان جوق.
«بۇل كۆي بەلگىلەرى بار بارلىق ادامداردى رۆ-90 جۇقپالى اۋرۋلار كلينيكاسىنىڭ فيليالىنا اپارعاندا ورىن العان جاعداي. قازىر پاتسيەنتتەر احۋالىنا قاراي فيلترگە جىبەرىلەدى: اۋىر، ورتاشا جانە ورتاشا. سايكەسىنشە، جۇقپالى اۋرۋلار اۋرۋحانالارىنا وسى پارامەترلەر بويىنشا جەتكىزىلەدى»، – دەپ حابارلادى ۆەدومستۆودان.
بۇل اقپاراتتى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ تا راستادى. ول سونداي-اق قازىر كلينيكادا جەدەل جاردەم كولىكتەرىنىڭ كەزەگى جوق ەكەنىن اتاپ ءوتتى.
