اقمولا وبلىسىنىڭ قورعالجىن جانە تسەلينوگراد اۋدانى اۋماعىندا 30-دان استام كيىكتىڭ ولەكسەسى تابىلدى،– دەپ حابارلايدى “ادىرنا” ۇلتتىق پورتالف inform.kz- كە سىلتەمە جاساپ.
اقمولادا وبلىس بويىنشا ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ باسشىسى لاشىنتاي دۇيسەنوۆتىڭ ايتۋىنشا، بيىلعى جىلدىڭ 9-ناۋرىزىندا «پو وحوتزووپروم» رەسپۋبليكالىق مەملەكەتتىك قازىنالىق كاسىپورنىنىڭ ورتالىق وڭىرلىك فيليالى ينسپەكتورلارى ساۋمال كولىنەن 10 شاقىرىم اۋماقتان 14 كيىكتىڭ ولەكسەسىن انىقتاعان.
«تەكسەرىس بارىسىندا كيىكتەر قالىڭ قار مەن كۇردەلى اۋا رايىنىڭ سالدارىنان ءشوپ تەۋىپ جەي الماعاندىقتان اشتان قىرىلعانى انىقتالدى. جانۋارلاردىڭ ولەكسەلەرى ارنايى مال قورىمىندا زالالسىزداندىرىلدى»،– دەدى لاشىنتاي دۇيسەنوۆ.
ورىن الىپ وتىرعان جاعدايعا بايلانىستى جانە كيىكتەردىڭ جاپپاي قىرىلۋىن بولدىرماۋ ءۇشىن اقمولا وبلىسىنىڭ مامانداندىرىلعان تابيعات قورعاۋ پروكۋراتۋراسى وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنا قورعالجىن، ەگىندىكول، جاقسى جانە اتباسار اۋداندارىنىڭ اكىمدەرىنە كيىكتەر جۇرەتىن اۋماقتارداعى قاردى كۇرەۋدى ۇيىمداستىرۋ تۋرالى نۇسقاۋ بەرىلگەن.
