ۆاكتسيناتسيا كوروناۆيرۋستان قورعاي ما؟ الماتىلىق دارىگەر ىندەتكە قارسى ەكپەدەن كەيىن ۆيرۋس جۇقتىرىپ اۋىرىپ قالعان. بۇل اقپاراتتى قالالىق قوعامدىق دەنساۋلىق ساقتاۋ باسقارماسى راستادى، دەپ حابارلايدى استانا تەلەارناسى.
الماتىداعى جەكە كلينيكالاردىڭ بىرىندە جۇمىس ىستەيتىن رەپرودۋكتولوگ دارىگەردەن كوروناۆيرۋس انىقتالعان. ايتۋىنشا، ول 2 ناۋرىزدا ۆاكتسينا سالدىرعان. باستاپقى دا ءبارى قالىپتى بولعانىمەن، اراعا اپتا سالىپ، اق حالاتتى ءوزىن جايسىز سەزىنگەن. باسى اۋىرىپ، السىزدىك جانە دەنەنىڭ اۋىرسىنۋى بايقاعان سوڭ، پتر سىناماسىن تاپسىرعان.
يۆان مەلنيكوۆ، دارىگەر:
مەنەن كوروناۆيرۋس انىقتالدى، بىردەن اۋرۋحاناعا جاتقىزدى. وعان دەيىن اناليز تاپسىرعان ەدىم، قانىمدا انتيدەنە بولماي شىقتى. ارينە، مەن بۇعان دەيىن اۋىرعان جوقپىن. قابىلداعان ۆاكتسينام اعزامدا قالىپتاسپاي جاتىپ، اۋرۋدى جۇقتىرىپ الدىم. قازىر جاعدايىم جاقسى.
الماتى قالالىق قوعامدىق دەنساۋلىق ساقتاۋ باسقارماسىنىڭ ماماندارى، ۆاكتسينا العاننان كەيىن اۋىرىپ قالۋ تاڭعالاتىن جاعداي ەمەس دەدى. ويتكەنى، مۇنداي جاعداي ءجيى كەزدەسىپ تۇراتىن كورىنەدى.
لاۋرا مىرزاعالي، الماتى ق. قوعامدىق دەنساۋلىق ساقتاۋ باسقارماسىنىڭ وكىلى:
يۆان مەلنيكوۆتىڭ جاعداي تۋرالى. ول مودۋلدىك گوسپيتالدا 7-8 كۇن جاتتى. ەمدەلىپ شىقتى، قازىر R ۆاكتسيناتسياسىن الادى. ۆاكتسينا العان ادام اۋىرىپ قالۋى مۇمكىن. وندا تۇرعان تۇك جوق. ويتكەنى ءالى يممۋنيتەت قالىپ تاسقان جوق. اۋىرىپ قالاتىن جاعداي بولسا، ول ستاتسيونارلىق ەمحانادا ەمىن الادى.
دارىگەر كوروناۆيرۋسقا قارسى ەكپەنىڭ 2-كومپونەنتىنىڭ 6 ايدان سوڭ سالدىرادى. سونىمەن بىرگە، دارىلىك پرەپاراتتى العاش بولىپ قابىلداعان دەنساۋلىق ساقتاۋ ۆيتسە-ءمينيسترى دە، يممۋنيتەتتىڭ بىردەن قالىپتاسپايتىن بۇعان دەيىن دە ايتقا بولاتىن.
اجار عينيات، قر دەنساۋلىق ساقتاۋ ءمينيسترىنىڭ ورىنباسارى:
دەنساۋلىق ساقتاۋ مينيسترلىگى ەكپەنىڭ 1-كومپونەنتىن 107 مىڭنان استام، ەكىنشىسىن 20 مىڭ قازاقستاندىق سالدارعانىن ءمالىم ەتتى. ايتا كەتەيىن، ەلدە ءالى دە ەپيد احۋال تۇراقسىز. كۇنىنە مىڭنان كوپ جاعداي تىركەلىپ جاتىر. سانيتارلىق-ەپيدەميولوگيالىق باقىلاۋ كوميتەتى باعالاۋ ماتريتساسىنىڭ "قىزىل" ايماعىنا 4 ءوڭىر كىرگەنىن حابارلادى. ولار: نۇر-سۇلتان، الماتى قالالارى مەن اتىراۋ جانە باتىس قازاقستان وبلىستارى.
