«قىتاي بيلىگى شىعىس تۇركىستانداعى قازاقتارعا جاساعان گەنوتسيدىن الماتىدا دا جالعاستىرىپ جاتىر»، دەپ جازادى اۋىت مۇقيبەك.قىتاي كونسۋلدىعى ولار وتىرعان جەرگە قۇرىلعىلار ورناتىپ، جاعىمسىز دىبىستار جىبەرىپ، ونسىزدا جۇقارىپ كەتكەن جۇيكەلەرىنە تيۋدە. ينتەرنەت جەلىسىن بۇعاتتايتىن قۇرىلعى قويىپ، قۇقىقتارىن تاپتاۋدا.
قوعام بەلسەندىسى ءارى پرەزيدەنت جانىنداعى ۇلتتىق قوعامدىق سەنىم كەڭەستىڭ مۇشەسى اۋىت مۇقيبەك ءوزىنىڭ facebook پاراقشاسىندا قازاق-قىتاي ماسەلەسىنە قاتىستى الاڭداۋشىلىق ءبىلدىرىپ پوست جازدى، دەپ حابارلايدى Skifnews.kz اقپارات پورتالى.
ونىڭ ايتۋىنشا، ءبىراز ادام الماتىداعى قىتاي كونسۋلدىعىنىڭ الدىندا ءبىر ايدان بەرى قاماۋعا الىنعان تۋىستارىن بوساتۋدى سۇراپ، نارازىلىق شەرۋىن وتكىزىپ جاتىر. الايدا قىتاي ەلشىلىگى نارازىلاردىڭ ءسوزىن تىڭداعاننىڭ ورنىنا ءار ءتۇرلى قۇرىلعىلار ورناتىپ، جاعىمسىز دىبىستار جىبەرىپ، ونسىزدا جۇقارىپ كەتكەن جۇيكەلەرىنە تيۋدە.
«پرەزيدەنت قاسىم-جومارت توقاەۆتىڭ نازارىنا!
قىتاي بيلىگى جاعىنان شىعىس تۇركىستانداعى جازىقسىز سوتتالعان، ءۇي قاماعىنا الىنعان جانە قازاقستانداعى تۋىستارىنا قوسىلۋىنا ءتۇرلى كەدەرگىلەر جاسالىپ وتىرعان ەتنيكالىق قازاقتاردىڭ قازاقستانداعى ءبىر توپ جاقىن تۋىستارىنىڭ ولاردى جوقتاپ، الماتىداعى قىتاي كونسۋلدىعىنىڭ الدىندا نارازىلىق تانىتىپ جاتقانىنا ءبىر ايعا جۋىقتادى.
نارازىلىق اكتسياسىن وتكىزىپ جاتقان ازاماتتاردىڭ باسىم بولىگى انالار. ولاردىڭ الدى جەتپىس جاستان اسىپ كەتكەن اجەرلەر ەكەن. كوبىنىڭ اسىراۋشىسى قىتاي قىسىمىنا ۇشىراپ، جازىقسىز جازاعا تارتىلعاندىعى سەبەپتى، ولاردىڭ الەۋمەتتىك جاعداي دا ناشارلاپ كەتكەنى ايتىلۋدا. اۋا ارايىنىڭ قولايسىزدىعىنا بايلانىستى، قاتتى ازاپ تارتۋدا»، - دەپ اتاپ وتكەن ول ءوزىنىڭ facebook پاراقشاسىندا.
سونىمەن قاتار ول قىتاي ەلشىلىگى نارازىلاردىڭ ءسوزىن تىڭداعاننىڭ ورنىنا ءار ءتۇرلى قۇرىلعىلار ورناتىپ، جاعىمسىز دىبىستار جىبەرىپ، ونسىزدا جۇقارىپ كەتكەن جۇيكەلەرىنە ءتيىپ جاتقانىن ايتقان.
«ودان دا سوراقىسى، قىتاي كونسۋلدىعى ولار وتىرعان جەرگە قۇرىلعىلار ورناتىپ، جاعىمسىز دىبىستار جىبەرىپ، ونسىزدا جۇقارىپ كەتكەن جۇيكەلەرىنە تيۋدە. ينتەرنەت جەلىسىن بۇعاتتايتىن قۇرىلعى قويىپ، قۇقىقتارىن تاپتاۋدا. ينتەرنەت بايلانىسىن توسۋعا ارنالعان قۇرىلعىدان تارالاتىن ەلەكتروماگنيتتىك ينتەرفەرەنتسيا ولاردىڭ دەنساۋلىعىنا وراسان زور نۇقسان كەلتىرۋدە. سونىڭ اسەرىنەن، سوڭعى كۇندەرى نارازىلىققا شىققان انالار ەسىنەن تانىپ قۇلاي باستاعانى بەلگىلى بولدى. قىسقاسى تۋىستارىنان ءتىرى ايىرىلعان قازاقستاندىق قانداستارىمىزدىڭ ومىرىنە دە قاۋىپ تونە باستادى.
مۇنداي قۇرىلعىلار مەن جۇيكەگە تيەتىن جاعىمسىز، شۋى كوپ دىبىستاردىڭ شىڭجاڭداعى اتالمىش «ساياسي ۇيرەنۋ» دەيتىن لاگەردە وتىرىپ شىققان قانداستارىمىزدىڭ ءبارى ايتىپ كەلگەنى بەلگىلى.
دەمەك، قىتاي بيلىگى شىعىس تۇركىستانداعى قازاقتارعا جاساعان گەنوتسيتتى ستراتەگيالىق ارىپتەس، تاتۋ كورشى، ماڭگىلىك دوس ەل قازاقستان رەسپۋبليكاسىنىڭ الماتى قالاسىندا دا جالعاستىرىپ جاتىر!
اسا مارتەبەلى قاسىم-جومارت كەمەلۇلى!
بۇل جاعداي ءبىزدى قاتتى الاڭداتۋدا.
ءبىزدى عانا ەمەس، حالىقارالىق ادام قۇقىتارىن قورعاۋ ۇيىمدارىنىڭ دا تىنىشىن كەتىرۋدە.
تەك، ءۇنسىز وتىرعان قازاق ۇكىمەتى عانا سەكىلدى بولىپ سەزىلۋدە ماعان.
وسى ماسەلەگە بايلانىستى، سىزدەن، ءبىرىنشى، باتىل قادامدار جاساپ، قىتاي بيلىگىمەن كەلىسە وتىرىپ، بۇل ماسەلەنى شەشۋدى، كەرەك بولسا، ەكى ەلدىڭ ءتۇرلى جاقتارداعى بايلانىسىن ۇزە تۇرۋدى;
ەكىنشى، قىتاي كونسۋلدىعى الدىندا ايعا جۋىق تۇرعان انالارعا الەۋمەتتىك، مەديتسينالىق جانە پسيحولوگيالىك جاقتان جاردەم بەرەتىن ۇكىمەتتىك دەڭگەيدە كومەك بەرۋ پاكەتىن دايىنداۋعا ىقپال ەتۋىڭىزدى سۇرايمىن»، - دەپ اتاپ وتكەن جازبا اۆتورى.
