جەر ۋچاسكەلەرى تۇرعىن ءۇي سالۋعا تەگىن بەرىلەتىنى راس پا؟

2287
Adyrna.kz Telegram

قازاقستاندىقتار جەكە تۇرعىن ءۇي قۇرىلىسىن سالۋعا ارنالعان 10 سوتىق جەردەن بولەك ۋچاسكەلەر الۋعا قۇقىلى. بۇل تۋرالى جەر كودەكسىنىڭ 50-بابىندا ايتىلعان. اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتى زاڭدى ءتۇسىندىرىپ بەردى.

كودەكستىڭ 50-بابىندا جەر ۋچاسكەلەرى ازاماتتارعا جەكەمەنشىككە اقىسىز بەرىلەدى دەلىنگەن:

  • جەكە قوسالقى شارۋاشىلىق ءۇشىن ء(ۇي جانە ەگىستىك القاپتارىن قوسا العاندا) اۋىلدىق جەرلەردە – 0,25 گەكتار سۋارىلمايتىن جانە 0,15 گەكتار سۋارمالى جەرلەردە;
  • جەكە تۇرعىن ءۇي قۇرىلىسىنا – 0,10 گەكتار;
  • كوگالداندىرۋ، سونداي-اق ساياجاي قۇرىلىسىنا – 0,12 گەكتار.
كوميتەت جەكە مەنشىك ءۇي ۋچاسكەلەرى ءۇشىن جەر اۋىلدىق ەلدى مەكەندەردە بەرىلەدى دەپ ءتۇسىندىردى.

«ءۇي ماڭىنداعى جەر تەلىمى اۋىل شارۋاشىلىعى ونىمدەرىن ءوندىرۋ ءۇشىن، سونداي-اق ساۋلەت، قالا قۇرىلىسى جانە قۇرىلىس قىزمەتى تۋرالى زاڭناماعا سايكەس تۇرعىن ءۇي، شارۋاشىلىق-تۇرمىستىق قۇرىلىستار سالۋعا پايدالانىلادى. سونىمەن قاتار، اۋىلشارۋاشىلىق ونىمدەرىن وندىرۋگە جازىق دالادان جەر تەلىمىن اۋعا بولادى»، – دەپ تولىقتىردى كوميتەت وكىلى.

جەكە قوسالقى شارۋاشىلىق پەن باۋ-باقشا وسىرۋگە ارنالعان ۋچاسكە ازاماتتارعا تۇرعىلىقتى جەرىنە جانە تىركەلگەن ورنىنا قاراماستان بەرىلەدى. بۇل رەتتە جەر ۋچاسكەسىن الۋعا كەزەككە تۇرۋ زاڭنامادا قاراستىرىلماعان.

جەر ۋچاسكەلەرىن الۋ ءۇشىن جەرگە قۇقىق بەرۋ تۋرالى ءوتىنىش وتكىزۋ قاجەت.

«جەكە قوسالقى شارۋاشىلىق جۇرگىزۋ ماقساتىنا جەر ۋچاسكەلەرىن جەكەمەنشىككە تەگىن بەرۋ تەك جەر يگەرىلگەننەن كەيىن جۇزەگە اسادى.

ۋاقىتشا جەردى يگەرۋ كەزەڭىنە (جالداۋ) كودەكستىڭ 92-بابىنا سايكەس شارتتار مەن مەرزىمدەر بەلگىلەنىپ بەرىلەدى»، – دەپ تولىقتىردى كوميتەت وكىلى.

ايتا كەتەيىك، قازاقستاندىقتار ءۇي سالۋ ءۇشىن 10 سوتىق جەر الۋعا قۇقىلى. بىراق، سوڭعى مالىمەتتەر بويىنشا، ۋچاسكەنى الۋ كەزەگىندە 1,5 ميلليوننان اسا ادام تۇر. بۇل سان جىل ساناپ ارتىپ كەلەدى.

 

پىكىرلەر