قاراعاندىدا ەر ازامات پىشاقتالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
4 اقپان كۇنى ساعات 19.10-دا ۇلتتىق ۇلاننىڭ 5451 اسكەري ءبولىمىنىڭ اسكەري قىزمەتشىلەرى جەدەل باسقارۋ ورتالىعىنان 15 شاعىن اۋدانداعى پاتەرلەردىڭ بىرىندە ەر ازامات پىشاقتالعانى تۋرالى اقپارات الادى. اسكەري جاساقتار بويىنشا كەزەكشى ورازگەلدى وتەگەن پاترۋلشىلەرمەن بىرگە وقيعا ورنىنا تەز ارادا اتتانادى. ۇلاندىقتار پوليتسيا قىزمەتكەرلەرىمەن بىرگە كۇدىكتىنى قۇرىقتاپ، قاراعاندى قالاسىنىڭ وكتيابر اۋداندىق پوليتسيا پۋنكتىنە جەتكىزەدى.
ۇستالعان ەر ازامات ءوز قىلمىسىن مويىنداپ، پاتەر يەسىمەن سوزگە كەلىسپەي، پىشاق سۇققانىن ايتتى. دالەلدى دايەكتەر وقيعا ورنىندا تاركىلەندى.
«ادىرنا» ۇلتتىق پورتالى
