1 اقپاننان قازاقستاندا Covid-19 قارسى رەسەي فەدەراتسياسىندا وندىرىلگەن "سپۋتنيك V» ۆاكتسيناسىن ەگۋ ناۋقانى باستالادى، دەپ حابارلايدى «ادىرنا» ءتىلشىسى دەنساۋلىق ساقتاۋ مينيسترلىگىنە سىلتەمە جاساپ.
ەكپەنى العاشقىلاردىڭ ءبىرى بولىپ دەنساۋلىق ساقتاۋ ۆيتسە-ءمينيسترى – قر باس مەملەكەتتىك سانيتارلىق دارىگەرى ەرلان قياسوۆ پەن دەنساۋلىق ساقتاۋ ۆيتسە-ءمينيسترى اجار عينيات الادى.
ۆاكتسيناتسيا 1 اقپاندا ساعات 08:30-دا امانات كوشەسى، 3 مەكەن-جايىندا ورنالاسقان №6 قالالىق ەمحانادا وتەدى.
ەستەرىڭىزگە سالايىق، مەملەكەت باسشىسى قاسىم-جومارت توقاەۆتىڭ تاپسىرماسىمەن 1 اقپاننان قازاقستاندا "سپۋتنيك V" ەكپەسىمەن ەركىتى ۆاكتسيناتسيالاۋ ناۋقانى باستالادى.
بۇعان دەيىن حابارلاعانىمىزداي، رەسەيلىك سپۋتنيك V ۆاكتسيناسىنىڭ 20 مىڭ دوزا كولەمىندە ءبىرىنشى پارتياسى قازاقستانعا كەلدى جانە ايماقتارعا تاراتىلادى.
ۆاكتسينانى تەك قر كامەلەتتىك جاسقا تولعان ازاماتتارى عانا الا الادى. كۆي-عا قارسى ۆاكتسيناتسيا 2021 جىلدىڭ سوڭىنا دەيىن جالعاسادى، وعان 6 ملن ادام قاتىسادى دەپ جوسپارلانۋدا.
«ادىرنا» ۇلتتىق پورتالى
