ماسساچۋسەتس شتاتى كونگرەسىنىڭ مۇشەسى ستيۆەن لينچ Pfizer/BioNTech ۆاكتسيناسىن سالدىرعاننان كەيىن كوروناۆيرۋس جۇقتىردى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
دەموكراتقا اقش پرەزيدەنتى دجو بايدەندى ۇلىقتاۋ راسىمىنە دەيىن ۆاكتسينانىڭ ەكىنشى دوزاسى ەنگىزىلگەن. ءلينچتىڭ وكىلى موللي روۋز ءتارپيدىڭ ايتۋىنشا، ءراسىم الدىندا ونىڭ تەستى تەرىس ناتيجە كورسەتكەن.
قازىرگى تاڭدا ستيۆەن لينچتە اۋرۋدىڭ بەلگىلەرى جوق. كونگرەسسمەن ءوزىن جاقسى سەزىنەدى. ءبىر اپتا بويى ساياساتكەر كارانتيندە بولادى جانە ءوز مىندەتتەرىن قاشىقتان ورىندايدى.
ايتا كەتەيىك،دەنساۋلىق ساقتاۋ ماماندارى Pfizer پرەپاراتىنىڭ ەكىنشى دوزاسىنان كەيىن 95 پايىزدىق تيىمدىلىككە جەتۋ ءۇشىن ءبىر اپتا، ال Moderna پرەپاراتى ءۇشىن 94 پايىزدىق تيىمدىلىككە جەتۋ ءۇشىن ەكى اپتا قاجەت ەكەنىن اتاپ ءوتتى.
«ادىرنا» ۇلتتىق پورتالى
