مەملەكەت باسشىسى قاسىم-جومارت توقاەۆتىڭ تاپسىرماسىمەن 1 اقپاننان قازاقستاندا «سپۋتنيك V» ەكپەسىمەن ەركىتى تۇردە ۆاكتسيناتسيالاۋ ناۋقانى باستالادى، دەپ حابارلايدى «ادىرنا» ءتىلشىسى دەنساۋلىق ساقتاۋ مينيسترلىگىنە سىلتەمە جاساپ.
بۇعان دەيىن جاسالعان كەلىسىم نەگىزىندە قاراعاندى فارماتسەۆتيكالىق كەشەنى ەلگە «سپۋتنيك V» ۆاكتسيناسىنىڭ العاشقى پارتياسىن جەتكىزدى.
جالپى، اقپان ايىندا قاراعاندى فارماتسەۆتيكالىق كەشەنى ۆاكتسينانىڭ 112 مىڭ دوزاسىن، ناۋرىزدا - 150 مىڭ، ساۋىردەن ماۋسىمعا دەيىن – اي سايىن 600 مىڭ دوزانى جەتكىزەتىن بولادى.
سونداي-اق، ءساۋىر ايىنان باستاپ 75 مىڭ دوزا كولەمىندە QazCovid-in وتاندىق ۆاكتسيناسى سالىنادى دەپ جوسپارلانۋدا، اي سايىن ونىڭ كولەمى 500 مىڭ دوزاعا كوبەيەدى.
ءبىرىنشى كەزەكتە حالىقتىڭ جەكەلەگەن توپتارى - مەديتسينا قىزمەتكەرلەرى، پوليتسەيلەر، اسكەري قىزمەتكەرلەر جانە ت. ب. ۆاكتسيناتسيالانادى.
ۆاكتسيناتسيالاۋعا پروفيلاكتيكالىق ەگۋگە قارسى كورسەتكىشتەرى جوق ادامدار جىبەرىلەدى. ۆاكتسيناتسيا الدىندا دارىگەر پاتسيەنتتى مىندەتتى تۇردە تەكسەرەدى.
ەل بويىنشا ەگۋ پۋنكتتەرىنىڭ دايىندىعى تەكسەرىلدى، پروفيلاكتيكالىق ەگۋ جۇرگىزۋ ماسەلەلەرى بويىنشا ستاندارتتى وپەراتسيالىق راسىمدەر بەكىتىلدى، 2 مىڭنان استام مەديتسينا قىزمەتكەرى وقىتىلدى.
ايتا كەتۋ كەرەك، تەك ۆاكتسيناتسيا كوروناۆيرۋستىڭ ودان ءارى تارالۋىنا جول بەرمەيدى جانە قاتاڭ لوكداۋننىڭ جالعىز بالاماسى.
«ادىرنا» ۇلتتىق پورتالى
