كوروناۆيرۋسقا قارسى ەكپە العان ەكى ادام قايتىس بولدى

5573
Adyrna.kz Telegram

نورۆەگيادا كوروناۆيرۋسقا قارسى ەكپە العان ەكى ادام قايتىس بولدى، دەپ حابارلايدى «ادىرنا» ءتىلشىسى tass.ru-عا سىلتەمە جاساپ. بۇل تۋرالى سەيسەنبىدە نورۆەگيانىڭ ءدارى-دارمەك اگەنتتىگى حابارلادى.

«5 قاڭتاردا ەكپە سالىنعاننان كەيىن بىرنەشە كۇننەن سوڭ ءولىم تۋرالى ەكى حابارلاما الدىق»، – دەلىنگەن حابارلامادا.

امەريكاندىق Pfizer كومپانياسى جانە ونىڭ نەمىس سەرىكتەسى BioNTech كومپانياسى شىعارعان ەكپە تۇرعىندارعا 2020 جىلدىڭ 27 جەلتوقسانىنان باستاپ سالىنا باستاعان.

ءبىرىنشى بولىپ وسلوداعى قارتتار ءۇيىنىڭ تۇرعىندارى ەگىلگەن. بيلىك قازىرگى تاڭدا ءولىمنىڭ ۆاكتسيناتسيامەن بايلانىسى بار-جوعىن انىقتاۋدا.

ء"بىز ءولىمنىڭ نە سەبەپتى بولعانىن انىقتاۋ ءۇشىن تەكسەرىس جۇرگىزەمىز", - دەدى اگەنتتىك وكىلى. ونىڭ ايتۋىنشا، قازىر دەنساۋلىعى ناشار جانە اۋىر اۋرۋلارى بار قاۋىپتى توپتارداعى ادامدارعا ەكپە سالىنىپ جاتىر.

«ادىرنا» ۇلتتىق پورتالى

پىكىرلەر