قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ جالپى اسكەري فاكۋلتەتىنە اتى اڭىزعا اينالعان قولباسشى باۋىرجان مومىشۇلىنىڭ ەسىمى بەرىلدى، دەپ حابارلايدى «ادىرنا» ءتىلشىسى قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل اشىلۋ ءراسىمى ۇلتى وتان سوعىسىنا قاتىسۋشى، كەڭەس وداعىنىڭ باتىرى، حالىق قاھارمانى باۋىرجان مومىشۇلىنىڭ 110 جىلدىعىنا ورايلاستىرىلدى.
اتالعان ءىس-شاراعا باسشىلىق، پروفەسسورلىق وقىتۋشى قۇرام مەن ۋنيۆەرسيتەتتىڭ تىڭداۋشىلارى، سونداي-اق قارۋلى كۇشتەردىڭ ارداگەرلەرى قاتىستى.
«باۋىرجان مومىشۇلىنىڭ ءومىر جولى مەن ەرلىكتەرى ارقاشان بارلىق وفيتسەرگە جانە جاس ۇرپاققا ۇلگى بولارى انىق. باتىردىڭ ەسىمى بەرىلگەن جالپى اسكەري فاكۋلتەتىنىڭ اشىلۋى ءبىزدىڭ وقۋ ورنىنا فاكۋلتەت ماگيسترانتتارىن دايارلاۋدا زور ۇلەسىن قوسادى دەپ ۇمىتتەنەمىن»، - دەپ ۇلتتىق قورعانىس ۋنيۆەرسيتەتىنىڭ باستىعى گەنەرال-لەيتەنانت سۇلتان قامالەتدينوۆ اتاپ ءوتتى.
«ادىرنا» ۇلتتىق پورتالى
