قازاقستان ءۇش مىڭ ەرىكتىگە QazCovid-in وتاندىق ۆاكتسيناسىن ەگۋگە كىرىسەدى. بۇل تۋرالى پرەمەر-ءمينيسترىنىڭ رەسمي رەسۋرسى جازدى، دەپ حابارلايدى «ادىرنا» ۇلتتىق پورتالى
قر پرەمەر-ءمينيسترى اسقار مامين جامبىل وبلىسى قورداي اۋدانىنىڭ گۆاردەيسكي كەنتىندەگى قر بعم بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا (عزي) باردى. بۇگىنگى تاڭدا عزي وتاندىق QazCovid-in ۆاكتسيناسىن كلينيكالىق سىناۋدىڭ I جانە II فازالارىن جۇرگىزدى. زەرتتەۋدىڭ الدىن الا ناتيجەلەرى ۆاكتسينانىڭ جوعارى قاۋىپسىزدىگىن، يممۋنوگەندىلىگىن جانە تيىمدىلىگىن 96% دەڭگەيىندە كورسەتتى.
دەنساۋلىق ساقتاۋ مينيسترلىگى ءۇش مىڭ ەرىكتىگە كلينيكالىق زەرتتەۋلەردىڭ قورىتىندى III كەزەڭىنىڭ باستالۋىن ماقۇلدادى. بۇگىندە العاشقى ەرىكتىلەر الماتى جانە تاراز قالالارىنىڭ كلينيكالارىندا، عزي-دا وتاندىق ۆاكتسينامەن ەگىلدى. 2020 جىلعى جەلتوقسان ايىنىڭ سوڭىنا دەيىن ءۇش مىڭ ەرىكتىنى ۆاكتسيناتسيالاۋ اياقتالادى. III كەزەڭدى وتكىزۋ ءۇشىن 10 مىڭ دوزا كولەمىندە ۆاكتسينانىڭ قاجەتتى پارتياسى شىعارىلادى.
«وتاندىق ۆاكتسينامەن جاپپاي ەگۋ 2021 جىلدىڭ ناۋرىز ايىندا باستالادى. ءبىرىنشى كەزەكتە ەرىكتى تۇردە مەديتسينا قىزمەتكەرلەرىنە، پەداگوگتەرگە، سونداي-اق سوزىلمالى اۋرۋلارمەن اۋىراتىن توپتاعى ادامدارعا ەكپە جاسالادى»، — دەدى ا. مامين.
«ادىرنا» ۇلتتىق پورتالى
