رەسەيلىك بەلگىلى جۋرناليست جانە "ەحو موسكۆى" راديوستانتسياسىنىڭ باس رەداكتورى الەكسەي ۆەنەديكتوۆ مەملەكەتتىك دۋمانىڭ دەپۋتاتى ۆياچەسلاۆ نيكونوۆتىڭ قازاقستان اۋماعى تۋرالى مالىمدەمەسىنە قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى Tengrinews.kz تىلشىسىنە سىلتەمە جاساپ.
جۋرناليست راديوستانتسيانىڭ تىكەلەي ەفيرىندە جانە YouTube-تە حابار تاراتۋ كەزىندە نيكونوۆتىڭ سوزدەرىنە پىكىر بىلدىرە وتىرىپ، كەيبىرەۋلەر "بۇل تۋرالى سويلەسۋگە داعدىلانعانىن" ايتتى.
"بىراق نيكونوۆ ول نيكونوۆ ەمەس قوي. ول، بىرىنشىدەن، مەملەكەتتىك دۋمانىڭ دەپۋتاتى. ەكىنشىدەن، باسقارۋشى پارتيانىڭ قىزمەتكەرى جانە كوميتەت توراعاسى. ۇشىنشىدەن، ريببەنتروپپەن اۋماقتى قايتا بولۋمەن اينالىسقان مولوتوۆتىڭ نەمەرەسى.
سوندىقتان بۇل مەن ءۇشىن ءۇش ەسە اۋىر رەاكتسيا تۋدىردى. تەكسەرمەي، قۇر سويلەي بەرۋگە ۇيرەنىپ قالعانبىز. جاۋاپسىزدىق. ءبىزدىڭ ءسىم (رەسەي) نيكونوۆتىڭ وسى ايماققا بارعانىنا اشۋلاندى", - دەدى الەكسەي ۆەنەديكتوۆ.
ايتا كەتەيىك، الەكسەي ۆەنەديكتوۆتىڭ ءوزى 2015 جىلى ءوزىنىڭ Twitter جەلىسىندەگى پاراقشاسىندا قازاقستان تۋرالى ارانداتۋشىلىق رەپليكا جاريالاعان بولاتىن. "قازاقستان 2025 جىلعا قاراي لاتىن الىپبيىنە كوشەدى. ال سولتۇستىك قازاقستان؟" دەپ جازعان ەدى.
