2020 جىلدىڭ 15 جەلتوقسانىندا ساعات 10:00-دە ستەپنوگورسك قالاسى (اقمولا وبلىسى) زاۆودسكوي كەنتى، 126 ا/ج مەكەنجايى بويىنشا ورنالاسقان «تسەلينگورماش» زاۋىتىندا قحپ اتىنان قر پارلامەنتى ءماجىلىسىنىڭ دەپۋتاتتىعىنا كانديدات ولجاس سىزدىقوۆ كاسىپورىننىڭ ۇجىمىمەن كەزدەسۋ وتكىزدى.
كەزدەسۋدە قازاقستان حالىق پارتياسىنىڭ سايلاۋالدى باعدارلاماسى تانىستىرىلىپ، ونىڭ نەگىزگى باعىتتارى ءتۇسىندىرىلدى. ەڭبەككەرلەردىڭ قۇقىقتارىن قورعاپ، ساقتاۋعا، ەڭبەكتى قورعاۋ جانە ەڭبەك جاعدايلارىنىڭ جاڭا ستاندارتتارىن ەنگىزۋگە ەرەكشە نازار اۋدارىلۋدا. بۇل دەگەنىمىز – قاۋىپسىز ءارى سالاۋاتتى ەڭبەك جاعدايلارىن قامتاماسىز ەتۋ، وندىرىستەگى تاۋەكەلدەردى ازايتۋ، ادامنىڭ دەنساۋلىعىن ساقتاۋ. مۇنىڭ ءبارڭ تەحنولوگيالىق پروتسەستەردى جەتىلدىرۋ، تەحنيكالىق جاراقتاندىرۋ، بىلىكتىلىك دەڭگەيىن ارتتىرۋ ەسەبىنەن ىسكە اسىرىلادى.
سايلاۋشىلارمەن بولعان ديالوگتا الەۋمەتكە باعدارلانعان مەملەكەت قۇرۋ باعىتىنداعى قحپ باستامالارى ايتىلدى. وندا قاراپايىم قازاقستاندىقتاردىڭ مۇددەسىن قورعاۋعا ەرەكشە نازار اۋدارىلعان. قحپ ۇسىنعان باستامالاردىڭ قاتارىندا مەديتسينانىڭ قولجەتىمدىلىگى مەن ساپالىلىعىن قامتاماسىز ەتۋ، تۇرعىن ءۇي ماسەلەسىن شەشۋ، زەينەت جاسىن تومەندەتۋ بار.
دەپۋتاتتىققا كانديدات و.سىزدىقوۆ وندىرىستىك پروتسەستى باقىلاپ، ەڭبەك جاعدايلارى مەن قاۋىپسىزدىگىن، كاسىپورىننىڭ تەحنيكالىق جابدىقتالۋىن باعالادى. ۇجىممەن بەيرەسمي جاعدايدا كەزدەسىپ، ديدارلاستى.
– بۇل ءبىر ەرەكشە كۇن بولدى. ادامدارمەن بەيرەسمي فورماتتا سويلەسىپ، پىكىرلەرىن تىڭداپ، پروبلەمالارىن ءبىلدىم. سۇراقتار دا قويىلدى. بارىنشا ەگجەي-تەگجەيلى جاۋاپ بەرۋگە تىرىستىم. ءوزىم دە كوپ سۇراق جولدادىم. ەڭبەكشىلەردىڭ قالاي جۇمىس ىستەيتىنىن كوردىم. ەستەلىك سۋرەتكە دە تۇستىك. نەگىزى مۇنداي بەيرەسمي كەزدەسۋلەردىڭ پايداسى مول. بارلىق دۇنيەنى تىكەلەي بىلۋگە بولادى، – دەدى ولجاس سىزدىقوۆ.
شارا قحپ-نىڭ سايلاۋالدى ۇگىت-ناسيحات ناۋقانى اياسىندا وتكىزىلدى.
سپيكەر: قحپ اتىنان قر پارلامەنتى ءماجىلىسىنىڭ دەپۋتاتتىعىنا كانديدات ولجاس تۇرعىنۇلى سىزدىقوۆ.
بايلانىس تەلەفوندارى: +77712221268; +77079616239
