رەسەيلىك ء"بىرىنشى ارنا" ەفيرىندە مەملەكەتتىك دۋما دەپۋتاتى ۆياچەسلاۆ نيكونوۆتىڭ قازاقستان تۋرالى ايتقان ءسوزى جەلىدە تاراعان ەدى. دەپۋتات ەفير بارىسىندا قازاقستان دەگەن ەل بولمادى دەگەن ەدى.
ءسىم رەسەيلىك دەپۋتاتتىڭ قازاقستان اۋماعى تۋرالى مالىمدەمەسىنە جاۋاپ بەردى، دەپ حابارلايدى «ادىرنا» ۇلتتىق پورتالى Tengrinews.kz cايتىنا سىلتەمە جاساپ.
"قر ءسىم رەسەي تاراپىنىڭ مۇنداي مالىمدەمەلەرگە ءتيىستى باعا بەرۋىن كۇتەدى جانە رەسەي فەدەراتسياسىنىڭ مەملەكەت قايراتكەرلەرىنەن مۇنداي مالىمدەمەلەرگە جول بەرمەۋ ءۇشىن شارالار قابىلداۋعا شاقىرادى", - دەلىنگەن حابارلامادا.
قازاقستان سىرتقى ىستەر مينيسترلىگىنە رەسەي فەدەراتسياسىنىڭ ۋاقىتشا سەنىمدى وكىلى الەكساندر كوماروۆ شاقىرىلدى. رەسەيلىك ديپلوماتقا قر ءسىم ۇستانىمى كورسەتىلگەن نوتا تابىستالدى.
