ەلوردادا تاۋەلسىزدىك كۇنىندە وتشاشۋ بولمايدى. بۇل تۋرالى قالالىق اكىمدىكتىڭ ءباسپاسوز قىزمەتىنەن ءمالىم بولدى، دەپ حابارلايدى, «ادىرنا» ۇلتتىق پورتالى قازاقپارات ءتىلشىسىنە سىلتەمە جاساپ.
ايتا كەتەيىك، تاۋەلسىزدىك كۇنىنە وراي ءتورت كۇن قاتارىنان، ياعني 16,17,18 جانە 19 جەلتوقسان دەمالىس بولادى. 18 جەلتوقسانداعى جۇمىس كۇنى 20 جەلتوقسانداعى جەكسەنبىگە اۋىستى. ەلوردا اكىمدىگى الداعى مەرەكە كۇندەرىندە ىندەتتىڭ تارالۋىنا جول بەرمەۋ ماقساتىندا ءتيىستى سانيتارلىق تالاپتاردى ورىنداۋعا شاقىردى. وسى ورايدا ماسكا تاعۋ رەجيمىن، الەۋمەتتىك اراقاشىقتىقتى ساقتاۋ مەن وزگە دە قاجەتتى ەرەجەلەر ورىندالۋى ءتيىس. بۇدان بۇرىن حابارلانعانداي، نۇر-سۇلتان قالاسىنىڭ اكىمى التاي كولگىنوۆ الداعى مەرەكەلەردى وتباسىمەن وتكىزۋگە كەڭەس بەردى. ەسكە سالساق، نۇر-سۇلتان قالاسى «قىزىل» ايماققا ءوتتى.
فوتو اشىق دەرەككوزدەن الىندى.
