تابيعي جانە تەحنوگەندىك سيپاتتاعى توتەنشە جاعدايلار – 4 ميللياردتان كوپ تەڭگەگە شىعىن اكەلدى

1619

ەلىمىزدە توتەنشە جاعدايدىڭ الدىن –الۋ بويىنشا حالىقتى وقىتۋ جانە حابار بەرۋ جۇمىستارى ىلگەرلەپ كەلەدى. كەز-كەلگەن اقپاراتتى  كوزدى اشىپ-جۇمعانشا جەتكىزىپ وتىراتىن بايلانىس قۇرالدارىنىڭ دا وسى تۇستا زور  ۇلەسى مەن ماڭىزدىلىعى باسىم.

توتەنشە جاعدايلار مينيسترلىگىنىڭ ءباسپاسوز قىزمەتىنىڭ اقپاراتىنا سۇيەنسەك، كاسىبي اۆاريالىق-قۇتقارۋ قىزمەتتەرىنىڭ توتەنشە جاعدايلارعا قابىلدانعان الدىن الۋ جانە ۋاقتىلى دەن قويۋ الدىن الا شارالارىنىڭ ارقاسىندا 2019 جىلعى ۇقساس كەزەڭمەن سالىستىرعاندا وقيعا سانى 8,2%-عا (1 052 وقيعاعا)  ازايعان، بىراق بۇل رەتتە زارداپ شەككەندەردىڭ سانى 30,6 ەسەگە (68 336 ادامعا), قازا بولعاندار سانى 2,8 ەسەگە
(876 ادامعا), ماتەريالدىق نۇقسان 47,8%-عا (1 411 ملن.تەڭگەگە) وسكەندىگى بايقالادى.

بيىلعى جىلدىڭ ون ايىندا 11 702 تابيعي جانە تەحنوگەندىك سيپاتتاعى توتەنشە جاعدايلار مەن  وقيعالار تىركەلسە،
70 641 ادام زارداپ شەككەن، سونىڭ ىشىندە 1 353 ادام قازا بولىپ، كەلتىرىلگەن ماتەريالدىق نۇقسان 4 365,7 ملن.تەڭگەنى قۇراعان.

توتەنشە جاعدايلار نەگىزىنەن وتكەن جىلعىمەن سالىستىرعاندا  تۇركىستان وبلىسىندا 32,2 %-عا، الماتى وبلىسىندا 26,7 %-عا، اقتوبە وبلىسىندا 20,3 %-عا، قاراعاندى وبلىسىندا 17,2 %-عا، جامبىل وبلىسىندا 14,6 %-عا، قوستاناي وبلىسىندا 12,4 %-عا، نۇر-سۇلتان قالاسىندا 9,1 %-عا ازايعان.

كەرىسىنشە توتەنشە جاعدايلار سانى ارتقان وڭىرلەر ولار: باتىس-قازاقستان وبلىسىندا 11 %-عا، شىعىس-قازاقستان وبلىسىندا  9,7 %-عا، پاۆلودار وبلىسىندا
3 %-عا، شىمكەنت قالاسىندا ءتىپتى 155,7 %-عا دەيىن ارتقان.

توتەنشە جاعدايلاردان زارداپ شەككەندەر مەن  قازا بولعاندار سانى دا ءار وبلىستا ءار ءتۇرلى دەڭگەيدە تومەندەسە، كەي وڭىرلەردە ولاردىڭ سانى ايتارلىقتاي وسكەن.

مىسالى، اتىراۋ وبلىسىندا زارداپ شەككەندەردىڭ سانى 122,8 ەسەگە وسسە، نۇر-سۇلتان قالاسىندا بۇل كورسەتكىش 106,7 ەسەنى قۇرادى. زارداپ شەككەندەردىڭ سانى جاعىنان وسى ەكى وڭىردەن سوڭ باتىس- قازاقستان، سولتۇستىك-قازاقستان وبلىستارى مەن شىمكەنت قالاسى تۇر.

توتەنشە جاعدايلار سالدارىنان قازا بولعاندار سانى جاعىنان  نۇر-سۇلتان قالاسى كوش باستاپ تۇر. ەلوردادا وتكەن جىلمەن سالىستىرعاندا قازا بولعاندار سانى 16,7 ەسەگە كوبەيسە، ماڭعىستاۋ وبلىسىندا 11 ەسەگە ۇلعايعان. ودان كەيىن باتىس-قازاقستان وبلىسىندا 6,8 ەسەگە، اتىراۋ وبلىسىندا 6,4 ەسەگە، شىمكەنت قالاسىندا 6,2 ەسەگە، اقمولا وبلىسىندا 3,6 ەسەگە دەيىن وسكەن.

بۇل ايتىلعانداردىڭ ءبارى تەك ساندار بولعانمەن، ەسەپ ءۇشىن جاسالعان اقپارات دەپ قاراعانىمىزبەن، وسىلاردىڭ اربىرەۋىنىڭ ارتىندا ءومىر مەن  ەرلىك، ورنى تولماس  قايعى مەن كۇتپەگەن  قۋانىش جاتىر.

 

ەركە جومارت،

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket