ءبىزدىڭ ەلىمىزدە جالپى كوشكىن قاۋىپى بار 603 اۋماق بار. ونىڭ ەڭ كوبى شىعىس-قازاقستان وبلىسىندا ورنالاسقان، ياعني 336 – نى قۇرايدى. ەكىنشى ورىندا 165 دەگەن كورسەتكىشپەن الماتى قالاسى تۇرسا، ودان كەيىن 91 اۋماعى بار الماتى وبلىسى تۇر. تۇركىستان وبلىسىندا بۇل كورسەتكىش 10 بولسا، جامبىل وبلىسىندا 1- گە تەڭ. وسى كوشكىن قاۋپى بار اۋماقتار جالپى 5 مىڭنان استام ادامنىڭ ومىرىنە جانە 215 نىسانعا قاۋىپ توندىرەدى ەكەن. بۇل تۋرالى «ادىرنا» ۇلتتىق پورتالى قازاقستان رەسپۋبليكاسىنىڭ توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.
«قازسەلدەنقورعاۋ» مەملەكەتتىك مەكەمەسى گيدرومەتەورولوگيالىق جاعدايدى باعالاۋ، مونيتورينگتەۋ جانە كوشكىن قاۋىپتى ۋچاسكەلەرىنە باقىلاۋ 59 جىلعا توتەپ بەرەتىن بەكەتتەرمەن، 29 ديسپەتچەرلىك پۋنكتەرمەن جانە 30 قار ولشەۋ باعىتتارمەن قامتاماسىز ەتىلەدى.
قار كوشكىندەر جىلجۋ كەزىندە دەر كەزىندە ارەكەت ەتۋ ماقساتىندا اتالعان مەكەمە تاراپىنان اپاتتىق-مەحانيكالاندىرىلعان توپتاردىڭ
12 قۇرىلىمى جاساقتالعان. ولارعا 115 ادام جانە 64 بىرلىك تەحنيكا كىرەدى.
ەلىمىزدىڭ تاۋلى اۋداندارىندا 1903 قار توقتاتۋ قالقانى بار بولسا، ونىڭ 444- الماتى قالاسىنا، 1459-ى شىعىس-قازاقستان وبلىسىنا تيەسىلى.
شىعىس قازاقستان وبلىسىنداعى زىريانوۆ اۋدانىنداعى «زۋبوۆكا» جانە كاتون-قاراعاي اۋدانىنداعى «سوباچيا») تاۋلارىندا، ارقايسىسىندا 25-تەن بارلىعى قار توقتاتۋ قالقانى 50 جوندەلدى.
2020-2021 جىلدارداعى قار كوشكىنى قاۋىپتى كەزەڭدەرىندە تۇرعىندارمەن سول اۋماقتاردى قورعاۋ بويىنشا ءتيىمدى شارالار اتقارۋ ماقساتىندا «قازسەلدەنقورعاۋ» مەملەكەتتىك مەكەمەسى الماتى، شىعىس قازاقستان، جامبىل، تۇركىستان وبلىستارىنىڭ، الماتى قالاسىنىڭ توتەنشە جاعداي دەپارتامەنتتەرىمەن جانە «قازگيدرومەت» جشس بىرلەسىپ قار كوشكىنىنە قارسى قىزمەتتەرىمەن ءوزارا ءىس-قيمىل جوسپارلارى پىسىقتالىپ، كوشكىن كەزىندە حالىقتى قۇلاقتاندارۋ جولدارى ناقتىلاندى.
بيىل كوشكىن قاۋىپتى ۋچاسكەلەرگە بارلىعى 101 اقپاراتتىق
جانە ەسكەرتۋ قالقاندارى قويىلدى.
كوشكىن قاۋىپتى زونالاردا ورنالاسقان اكىمشىلىكتەرگە، ۇيىمدار مەن كاسىپورىندار باسشىلارىنا، جەكە ءۇي يەلەرىنە 558 ەسكەرتپە-ۇسىنىس پەن 385 كىتاپشا تاراتىلدى .
كوشكىن قاۋىپتى ۋچاسكەلەردى 76 جەر ءۇستى تەكسەرۋلەر جۇرگىزىلدى.
2020 جىلعى 13 قاراشادا «قازسەلدەنقورعاۋ» مم الماتى قالاسىنىڭ توتەنشە جاعدايلار دەپارتامەنتىمەن بىرلەسىپ «مەدەۋ» قار كوشكىنى قاۋپى بار ۋچاسكەسىندە اۆتوموبيل جولدارىن تاۋلى جەرلەردەگى قار كوشىكىنەن تازارتۋ بويىنشا بىرلەسكەن ءىس-قيمىلداردى پىسىقتاۋمەن
وقۋ-جاتتىعۋ وتكىزدى.
ەركە جومارت،
«ادىرنا» ۇلتتىق پورتالى
