دارىگەرلەر شەكارادان ءوتۋ ءۇشىن جالعان انىقتامالار ساتقان، دەپ حابارلايدى «ادىرنا» ۇلتتىق پورتالى ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
قر ۇقك شقو بويىنشا دەپارتامەنتىمەن "ج" جەكە مەديتسينالىق ورتالىعىمەن ۇيىمداستىرىلعان قر شەكاراسىن زاڭسىز وتۋگە قولدانىلاتىن جالعان دارىگەرلىك كونسۋلتاتسيالىق كوميسسيا (دكك) قورىتىندىلارىن ساتۋ بويىنشا قىزمەتى توقتاتىلدى.
"بيىل 18 قىركۇيەكتە جەدەل-ىزدەستىرۋ شارالارى كەزىندە جالعان دكك قورىتىندىسىن باقىلاۋ ساتىپ الۋ ناتيجەسىندە اتالعان مەديتسينالىق ورتالىق قىزمەتكەرلەرىنىڭ زاڭسىز ارەكەتى راستالدى. جەدەل-تەرگەۋ شارالاردىڭ ناتيجەسىندە الدىندا بەرىلگەن 200 جۋىق دكك قورىتىندىلارى، دارىگەرلەردىڭ قولى مەن تاڭبالارى قويىلعان تولتىرىلماعان بلانكىلەر، تاڭبالار جانە كومپيۋتەرلىك تەحنيكا تابىلىپ، تاركىلەنىپ الىندى", - دەلىنگەن حابارلامادا.
كۋاگەرلەردەن جاۋاپ الۋ ناتيجەسىندە دكك قورىتىندىلارىنىڭ تۇپنۇسقالارى الىنىپ، سايكەس ەكسپەرتيزاعا جولداندى.
ۇقك مالىمەتىنشە، مەديتسينالىق ورتالىقتىڭ ديرەكتور ورىنباسارى مەن باس دارىگەرى 5 مىڭ تەڭگە اقشالاي سىياقى ءۇشىن جالعان دكك قورىتىندىلارىن تۇلعالارعا ساتىپ وتىرعان. سونىمەن قاتار، شەتەل مەديتسينالىق مەكەمەسىنەن شاقىرۋ قاجەت بولعان جاعدايدا، قىزمەت باعاسى 10 تەڭگەگە باعالاندى.
«ادىرنا» ۇلتتىق پورتالى
