كوممۋنيستەر قازاقستان حالقىن تولعاندىراتىن وتكىر دە وزەكتى الەۋمەتتىك پروبلەمالاردىڭ توپ-5-گىن قۇرادى. تالداۋ ءۇشىن قكحپ-نىڭ قوعامدىق قابىلداۋلارىنا جانە «شاپاعات» حالىقتىق جوباسىنا وسى جىلدىڭ بەس ايىندا كەلىپ تۇسكەن ازاماتتاردىڭ وتىنىشتەرى نەگىز بولدى. بۇل رەتتە، وسى ۋاقىت ىشىندەگى وتىنىشتەر سانى وتكەن جىلمەن سالىستىرعاندا ايتارلىقتاي ءوستى.
پاندەميا كەزەڭىندە تابىسىنان ايىرىلۋىنا بايلانىستى نەسيەلەردىڭ مەرزىمىن وتكىزىپ الۋ جانە تولەمەۋ قازاقستاندىقتار ءۇشىن №1 پروبلەماعا اينالدى. ەكىنشى ورىندا «تۇرعىن ءۇي ماسەلەسى» تۇر. بۇل «ساقالدى قۇرىلىستاردىڭ»، ەسكى جانە اپاتتىق جاعدايداعى تۇرعىن ۇيلەردىڭ، سونداي-اق بانكتىك مولشەرلەمەنىڭ جوعارى بولۋىنا بايلانىستى تۇرعىن ءۇيدى يپوتەكاعا ساتىپ الۋ مۇمكىندىگىنىڭ تومەندىگى تۋرالى ماسەلەلەر. پروبلەمالاردىڭ «ۇزدىك» ۇشتىگىنە تۇكش تاريفتەرىن كوتەرۋ دە كىرىپ وتىر. سونىمەن قاتار ەگدە جاستاعى قازاقستاندىقتار زەينەتاقى جاسى مەن شاعىن زەينەتاقىنىڭ وسۋىنە شاعىمدانۋدا. ال جاستار وقشاۋلانۋ كەزەڭىندە شيەلەنىسكەن وتباسىلىق-تۇرمىستىق زورلىق-زومبىلىقتىڭ وسۋىنەن زارداپ شەگۋدە.
«…پارتيانىڭ قوعامدىق قابىلداۋلارىنا ادامدار كوبىنەسە زاڭ كومەگىن الۋعا جۇگىنەدى. ماسەلەن، مەملەكەتتىك ورگاندار تاراپىنان بيۋروكراتيالىق كەدەرگىلەرگە تاپ بولادى. وسىنداي ءوتىنىش بەرۋشىلەرمەن ءبىزدىڭ زاڭگەرلەر جۇمىس ىستەيدى. ولار ءاربىر ماسەلەگە ەرەكشە كوڭىل بولىنەدى، ال كەيىننەن شەشىمدەردىڭ ورىندالۋىنا باقىلاۋ جۇرگىزەدى. ازىق-تۇلىك جانە مورالدىق قولداۋ «شاپاعات» حالىقتىق جوباسى ارقىلى جۇزەگە اسىرىلادى. ول تۇرمىسى تومەن، الەۋمەتتىك قورعالماعان وتباسىلار مەن ومىرلىك قيىن جاعدايعا تاپ بولعان ادامدارعا ارنالعان. اعىمداعى كەزەڭدە پارتيا تاراپىنان رەسپۋبليكا بويىنشا 19 000 (ون توعىز مىڭ) ادام قامتىلدى…»، – دەيدى قكحپ ساراپشىلارى.
قكحپ ءباسپاسوز قىزمەتى
