كوروناۆيرۋستان 90 پايىز قورعايتىن ۆاكتسينا ازىرلەندى

791

عالىمدار كوروناۆيرۋستان 90 پايىز قورعايتىن ۆاكتسينا ويلاپ تاپتى، دەپ حابارلايدى «ادىرنا» ۇلتتىق پورتالى BBC News-كە سىلتەمە جاساپ.

ۆاكتسينانى Pfizer امەريكاندىق فارماتسەۆتيكالىق كومپانياسى جانە ونىڭ نەمىس بيوتەحنولوگيالىق سەرىكتەسى BioNTech ازىرلەپ جاتىر.

ويلاپ تابۋشىلار بۇل وقيعانى عىلىم مەن ادامزات ءۇشىن «ۇلى كۇن» دەپ اتادى. «بىردە-ءبىر پرەپارات مۇنداي وڭ ناتيجە كورسەتكەن جوق»,-دەيدى ولار.

كلينيكالىق سىناقتارعا الەمنىڭ التى ەلىنەن 43 500 ادام قاتىسقان. ۆاكتسينانىڭ جاناما اسەرلەرى بولمان جوق. كەلتىرىلگەن مالىمەتتەرگە سۇيەنەىك بولساق، ونىڭ ەكى دوزاسى ءۇش اپتا ۇزىلىسپەن ەنگىزىلمەك.

جاڭا ۆاكتسينا قاراشا ايىنىڭ سوڭىندا قولدانىلۋى مۇمكىن. قازىرگى تاڭدا ازىرلەۋشىلەر جەدەل سەرتيفيكاتتاۋ راسىمىنە جۇگىنۋدى جوسپارلاپ وتىر.

«2020 جىلدىڭ سوڭىنا دەيىن 50 ميلليون دوزا ۆاكتسينا، ال 2021 جىلدىڭ سوڭىنا دەيىن شامامەن 1,3 ميلليارد ۆاكتسينا جاساي الامىز. جۇمىس بارىسىندا ەكسپەريمەنتتىك ءتاسىلدى قولداندىق»،-دەدى عالىمدار.

ايتا كەتەيىك، پرەپارات ءالى سوڭعى سىناقتاردان وتكەن جوق.

«ادىرنا» ۇلتتىق پورتالى

پىكىرلەر
رەداكتسيا تاڭداۋى