قازاقستاننىڭ باسقا ەلدەرگە قارۋ-جاراق جەتكىزۋ نيەتى جوق. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىندە مالىمدەدى، دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
كەيبىر ينتەرنەت-سايتتاردا جانە الەۋمەتتىك جەلىلەردە قازاقستان ازەربايجانعا قارۋ-جاراق جەتكىزە باستاعانى تۋرالى حابارلاما پايدا بولدى. بۇل جالعان اقپارات. قر يندۋستريا جانە ينفراقۇرىلىمدىق دامۋ مينيسترلىگى بۇل حاباردى رەسمي تۇردە جوققا شىعاردى.
قازاقستان ەلدىڭ الەمدىك قاۋىمداستىق الدىنداعى بارلىق مىندەتتەمەلەرىن ۇستانادى جانە باسقا ەلدەرگە قارۋ-جاراق جەتكىزۋ نيەتى جوق. ماقالادا كورسەتىلگەن مالىمەتتەر شىندىققا سايكەس كەلمەيدى جانە ەشقانداي نەگىز جوق، - دەلىنگەن ۆەدومستۆو مالىمدەمەسىندە.
مينيسترلىك مۇنداي نەگىزسىز مالىمەتتەرگە سەنبەۋ كەرەگىن ەسكە سالدى. تەك رەسمي اقپارات كوزدەرىن باسشىلىققا الۋ كەرەك.
سونداي-اق، قر يدم ازاماتتىق اۆياتسيا كوميتەتىنىڭ اقپاراتى بويىنشا، Silk Way West Airlines اۆياكومپانياسى 2020 جىلعى 2-3 قاراشا ارالىعىندا نۇر-سۇلتان مەن باكۋ قالالارى اراسىندا رەيستەردىڭ بولماعانىن مالىمدەدى.
