«اسىل ارنانىڭ» كونتەنتىن «حالىق ارناعا» تولىق تاپسىراتىن مۇحامەتجان تازابەكوۆكە ءدان ريزامىز. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە قمدب توراعاسىنىڭ ورىنباسارى ەرشات وڭعاروۆ ايتتى، دەپ حابارلايدى قازاقپارات ءتىلشىسى.
«اسىل ارنا» تەلەارناسىنىڭ ديرەكتورى مۇحامەتجان تازابەكوۆ قمدب جانىنداعى عۇلامالار كەڭەسىنىڭ وتىرىسىنا كەلىپ مالىمدەدى. تىرنەكتەپ جيناعان كونتەنتتىك ءارحيۆىن «حالىق ارناعا» تولىق تاپسىراتىنىن ايتتى. مۇحامەتجانعا وسىنداي كەمەڭگەرلىك كورسەتكەنى ءۇشىن ءدان ريزامىز»، - دەيدى قمدب توراعاسىنىڭ ورىنباسارى ەرشات وڭعاروۆ.
سونداي-اق، «حالىق ارنا» تەلەارناسىنىڭ باس ديرەكتورى نۇرجان دارقۇلوۆ ارنادان قانداي باعدارلامالار كورسەتىلەتىنى تۋرالى ايتتى. «بۇل قمدب-نىڭ ارناسى بولعاندىقتان، نەگىزگى باسىمدىلىق ءدىني-اعارتۋشىلىق باعىتقا جۇمسالادى. سونىمەن قاتار، ءداستۇر قۇندىلىقتارىن، تاريح، مادەنيەت، ءدىن مەن ءداستۇر ساباقتاسقان، قابىسقان مازمۇنداعى باعدارلامالار بولادى. سونىمەن قاتار، بۇل ارنادان ۇلت اسپاپتار وركەستىرىنىڭ كونتسەرتتەرى، رۋحاني كەشتەر دە كورسەتىلەدى. بۇل - ءدىني، مادەني، رۋحاني، تاريحي باعىتتاعى ارنا دەۋگە بولادى»، - دەيدى نۇرجان تالاسۇلى.
