ۋكراينا پرەزيدەنتىنىڭ كەڭسەسىنىڭ باسشىسى اندرەي ەرماك قىرىمعا سۋ بەرگەنى ءۇشىن رەسەيمەن سوعىس ىقتيمالدىعىن باعالادى. بۇل تۋرالى ول "1+1" تەلەارناسىنا بەرگەن سۇحباتىندا ايتتى.
ونىڭ پىكىرىنشە، سوعىس بولمايدى. "مەنىڭ ويىمشا، بۇل قوعامداعى مانيپۋلياتسيا. اشىق ايتايىق: بۇگىندە قىرىمدا سۋ جەتكىلىكتى", — دەدى ەرماك.
پرەزيدەنت كەڭسەسىنىڭ باسشىسى تۇبەكتىڭ ۋكراينا قۇرامىنا كىرەتىنىنە سەنىم ءبىلدىردى. الايدا ول ونىڭ قاشان بولاتىنىن بىلمەيتىنىن اتاپ ءوتتى.
قىركۇيەكتە قىرىمنىڭ باسشىسى سەرگەي اكسەنوۆ تۇبەكتە سۋ تۇششىلاندىراتىن زاۋىت سالىنادى دەپ مالىمدەگەن. قوندىرعىنى قىرىمدا جالعاماس بۇرىن، ولار جەر استى ۇڭعىمالارىنان سۋ شىعارۋعا نيەتتى. سونىمەن قاتار، رەسپۋبليكادا سۋارۋ ءۇشىن ولار سورعىلارمەن جانە باكتەريالاردىڭ بەلگىلى ءبىر تۇرىمەن تازارتىلعان اعىندى سۋلاردى قولدانعىسى كەلەدى.
2014 جىلدىڭ كوكتەمىندە، قىرىم رەسەيگە قوسىلعانعا دەيىن، جەرگىلىكتى تۇرعىنداردىڭ تۇششى سۋعا قاجەتتىلىگىنىڭ شامامەن 85 پايىزىن دنەپردەن كەلەتىن سولتۇستىك قىرىم كانالى قامتاماسىز ەتتى. 2014 جىلعى رەفەرەندۋمنان كەيىن ۋكراينا ونى جاۋىپ تاستادى. تۇبەكتىڭ كوپتەگەن سۋ قويمالارى 2020 جىلدىڭ باسىندا تارتىلعان.
فوتو اشىق دەرەككوزدەن الىندى
«ادىرنا» ۇلتتىق پورتالى
