تۇركيانىڭ باتىسىنداعى ءزىلزالا قۇرباندارىنىڭ سانى 100 ادامعا جەتتى. بۇل تۋرالى تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە سالدارىن جويۋ باسقارماسى (AFAD) مالىمدەدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
تۇركياداعى ءزىلزالا: ءۇش كۇنگە جۋىق ءۇيىندىنىڭ استىندا جاتقان 3 جاسار قىز قۇتقارىلدى ىستىقكولدە 3,5 بالدىق جەر سىلكىنىسى بولدى تۇركيادا ءزىلزالادان قازا تاپقاندار سانى 76 بولدى يزميردەگى جەر سىلكىنىسى: قۇربان بولعان ادام سانى 62-گە جەتتى باسقارمانىڭ مالىمەتىنشە، 30 قازانداعى تۇركيانىڭ باتىسىندا بولعان 6.6 بالدىق جەر سىلكىنىسىنەن كەيىن 1401 ءدۇمپۋ بولعان. ونىڭ 44-ءىنىڭ ماگنيتۋداسى 4 بالدان جوعارى. اۋرۋحانالارعا 994 ادام جەتكىزىلگەن. زارداپ شەككەندەردىڭ 884-ءى مەديتسينالىق كومەك كورسەتىلگەن سوڭ ۇيىنە جىبەرىلگەن، 147-ءسى ەمدەلىپ جاتىر. ولاردىڭ 12-ءسى جان ساقتاۋ بولىمىندە. 17 قيراعان ءۇيدىڭ 12-ءسىنىڭ ۇيىندىلەرىن بولشەكتەۋ اياقتالدى. تۇركيا پرەزيدەنتى رەجەپ تايىپ ەردوعان بۇعان دەيىن جەر سىلكىنىسىنىڭ سالدارىن جويۋ ءۇشىن مەملەكەتتىڭ بارلىق قاجەتتى رەسۋرستارىنىڭ شوعىرلانعانىن مالىمدەگەن بولاتىن. مەملەكەت باسشىسى ۇيىنەن ايىرىلعان بارلىق ازامات جاڭا پاتەرلەر الاتىنىن اتاپ ءوتتى.
