بيىلعى جىلى ءبىلىم جانە عىلىم مينيسترلىگى «پەداگوگيكالىق عىلىمدار»، «ونەر»، «گۋمانيتارلىق عىلىمدار»، «جاراتىلىستانۋ عىلىمدارى»، «تەحنيكا عىلىمدارى»، «قىزمەت كورسەتۋ» جانە «الەۋمەتتىك جۇمىس»، «الەۋمەتتىك عىلىمدار» باعىتى بويىنشا ماماندار دايارلاعان 25 جوعارى وقۋ ورنىن ليتسەنزياسىنان ايىردى. الماتىداعى مۇحامەدجان تىنىشپاەۆ اتىنداعى قازاق كولىك جانە كوممۋنيكاتسيا اكادەمياسىنىڭ ليتسەنزياسىنان ايىرىلۋى حالىقتى سەلك ەتكىزگەنى بەلگىلى. وسى تاقىرىپ توڭىرەگىندە قازاقستان ۇلتتىق ارناسىنىڭ «اشىق الاڭ» باعدارلاماسى ەفيرىندە م.س. نارىكباەۆ اتىنداعى KAZGUU ۋنيۆەرسيتەتى باسقارما توراعاسىنىڭ ورىنباسارى ەربولات مۇحامەدجان تانىس جاعدايىمەن ءبولىستى.
«ماعان مەملەكەتتىك قىزمەتتە جۇرگەن تانىس ازاماتتار ۋنيۆەرسيتتەردى جاۋىپ جاتقانى دۇرىس ەمەس قوي دەپ پىكىر بىلدىرۋدە. ولار ۋنيۆەرسيەتتەردى جابۋ ابىروي بەرەتىن جۇمىس ەمەس دەپ ويلايدى. نەگە؟ - دەپ سۇراعانىمدا، بۇل الەۋمەتتىك ماسەلە بولعاندىقتان ەرتەڭ ستۋدەنتتەردىڭ جاعدايى قالاي بولادى؟ - دەپ جاۋاپ بەرەدى. ءدال وسىلاي ويلايتىن ادامدار 3-4 جىلعى پروبلەمانى عانا ەسكەرىپ تۇر. ستۋدەنتتەردىڭ باسقا وقۋ ورنىنا اۋىسۋى دا كۇردەلى ماسەلە. بىراق 10 جىلدان كەيىنگى جاعداي شە؟ ساباققا بارماعان، ساپاسى تومەن ۋنيۆەرسيتەتتە وقىعان ادام ديپلوم العان سوڭ قانداي مامان بولىپ شىعادى؟ ءبىزدى وسى ماسەلە الاڭداتۋى كەرەك»، - دەيدى ەربولات مۇحامەدجان.
«نارىقتا جۇرگەن ءبىر كومپانيانىڭ يەسىمەن دە وسى ماسەلە بويىنشا سويلەستىم. مەنىڭ بالاباقشام بار. باۋىرلارىم سوندا جۇمىس ىستەيدى. قارىنداسىم شىمكەنتتە ءبىر ۋنيۆەرسيتەتتە وقىپ ءجۇر. جىل بويى ساباققا بارعان جوق. بىراق ديپلوم الىپ شىقتى. قانداي مامان بولىپ شىقتى دەپ قورقامىن»، - دەيدى الگى جىگىت. ەرتەڭ مۇنداي ماماندار ءبىزدى ەمدەيدى، بابالارىمىزعا ساباق بەرەدى، قاۋىپسىزدىگىمىزدى قورعايدى. سوندىقتان رەيتينگى تومەن وقۋ ورىندارىن جابۋدى قولداۋ قاجەت»،- دەيدى ول.
م.س. نارىكباەۆ اتىنداعى KAZGUU ۋنيۆەرسيتەتى ءباسپاسوز قىزمەتى
